వివాదంలో “వరాణాసి”?… వరుస కాంట్రవర్సీలు…
రాజమౌళి – మహేష్ బాబు కాంబినేషన్‌లో వస్తున్న వరాణాసి సినిమా ఇంకా షూటింగ్ ప్రారంభమయ్యేలోపే పెద్ద చర్చగా మారిపోయింది. రోజు రోజుకీ కొత్త ఇష్యూలు బయటకు వస్తుండటంతో, ఈ ప్రాజెక్ట్‌పై అందరి దృష్టి ఇలానే నిలిచిపోతుంది.. హైదరాబాద్ గ్లోబ్‌ట్రాటర్ ఈవెంట్‌లో రాజమౌళి హనుమాన్‌పై చేసిన వ్యాఖ్యలతో మొదలైన గందరగోళం ఇంకా చల్లారలేదు. రాష్ట్రీయ వానర సేన నేరుగా దర్శకుడిపై కేసు పెట్టడంతో ప్రచారం హై లెవెల్‌కి వెళ్లిపోయింది.
ఇప్పుడు సినిమా టైటిల్ పైనా కొత్త గాసిప్ ఫైర్ అవుతోంది. రాజమౌళి–మహేష్ బాబు, ప్రియాంక చోప్రా, పృథ్వీరాజ్ కలిసి చేస్తున్న ఈ యాక్షన్ ప్యాక్డ్ సినిమా పేరు వరాణాసి అని గ్రాండ్‌గా ప్రకటించేశారు. కానీ ఇక్కడే ఎంట్రీ ఇచ్చాడు ఇంకో డైరెక్టర్ CH సుబ్బా రెడ్డి. తాను నెలల కిందటే రామ బ్రహ్మ హనుమ క్రియేషన్స్ పేరుతో వరాణాసి టైటిల్‌ను చాంబర్‌లో రిజిస్టర్ చేశానని, అయినా పెద్ద సినిమా టీమ్ ముందస్తుగా మాట్లాడకుండా అదే పేరును వాడటం ఆశ్చర్యమేసిందని ఆయన చెప్పాడు.
దీంతో ఆయన ఫిల్మ్‌ చాంబర్‌కి కంప్లైంట్ కూడా ఇచ్చేశారు.
హనుమాన్ వ్యాఖ్యల విషయం ఓ వైపు పెద్ద దుమారం రేపుతుండగా… టైటిల్ ఇష్యూ మరో కోణంలో పూర్తిగా సంచలనం క్రియేట్ చేస్తోంది… ఇక రాజమౌళి టీమ్ ఎలా స్పందిస్తుందో ఇండస్ట్రీ అంతా ఎదురు చూస్తోంది.