“టాలీవుడ్ స్టార్ హీరోల నిజ స్వభావం: మైత్రి రవిశంకర్ షాకింగ్ కామెంట్స్!”
టాలీవుడ్‌లో చాలాకాలంగా ఒక అపోహ కొనసాగుతోంది, స్టార్ హీరోలు భారీ పారితోషికాలు తీసుకుంటారు, నిర్మాతలపై ఒత్తిడి పెడతారు, డబ్బుకే ప్రాధాన్యం ఇస్తారు, సినిమా విడుదల కాగానే హిట్ అయిన కాకున్నా వాళ్ళకి ఇవ్వాల్సిన రెమ్యునరేషన్ ని ప్రొడ్యూసర్ దగ్గర నుండి ఎలా అయిన వసులు చేస్తారు. అన్న ప్రచారం సోషల్ మీడియాలో తీవ్రంగా సాగుతుంది. అయితే, ఈ అభిప్రాయాలకు పూర్తిగా విరుద్ధంగా నిర్మాత మైత్రి రవిశంకర్ చేసిన తాజా వ్యాఖ్యలు ఇప్పుడు ఇండస్ట్రీలో విస్తృత చర్చకు దారి తీస్తున్నాయి.
కానీ ఇటీవల విడుదలైన ‘ఆంధ్ర కింగ్ తాలూకా’ సినిమా హిట్ కావడంతో దానికి సక్సెస్ మీట్ ఏర్పాటు చేశారు, ఆ సక్సెస్ మీట్ లో మైత్రి మూవీ మేకర్స్ నిర్మాత మైత్రి రవిశంకర్ చెప్పిన విషయాలు అలాంటి అపోహాలు పూర్తిగా మార్చేశాయి. అయన మాటల్లో, తమ బ్యానర్‌తో పనిచేసిన టాలీవుడ్ స్టార్ హీరోలు అందరూ నిర్మాతల పరిస్థితిని అర్థం చేసుకుని ముందుకొచ్చే వ్యక్తులే అని స్పష్టంగా వెల్లడించారు.
మొదటగా రామ్ చరణ్ గురించి చెప్తూ 2018 విడుదల అయిన ‘రంగస్థలం సినిమా తర్వాత ఆయనకు మేము ఇవ్వాల్సిన నాలుగు కోట్లు రెండేళ్ల పాటు బ్యాలెన్స్‌లోనే ఉన్నా చరణ్ ఒక్క మాట కూడా అనలేదు. తనకి ఎప్పుడు అవసరం ఉంటే అప్పుడు అడిగి తీసుకున్న తప్ప మమ్మల్ని ఎప్పుడూ ఇబ్బంది పెట్టలేదు. అంతేకాక ఇప్పుడు మేము రామ్ చరణ్ తో కలిసి పెద్ద స్థాయి చిత్రం ప్లాన్ చేస్తున్నాం.. అంటూ రవి శంకర్ , రామ్ చరణ్ గురించి చెప్పుకొచ్చాడు.
అలాగే పవర్ స్టార్ పవన్ కళ్యాణ్ విషయంలో మైత్రి రవిశంకర్ చెప్పిన మాటలు అందరినీ ఆశ్చర్యపరిచాయి. “మీకు మిగిలితే ఇవ్వండి… లేకపోతే అవసరం లేదు” అని పవన్ కళ్యాణ్ ప్రొడ్యూసర్స్ తో అంటారట. ఇలాంటి మనస్తత్వం అందరికి ఉండదుగా. ఇప్పుడు ఇప్పుడు పవర్ స్టార్ పవన్ కళ్యాణ్ మైత్రి మూవీ మేకర్స్ తో కలిసి హరీష్ శంకర్ దర్శకత్వంలో ‘ఉస్తాద్ భగత్ సింగ్’ చేస్తున్నారు.
అలాగే రామ్ పోతినేని గురించి మాట్లాడుతూ ‘ఆంధ్ర కింగ్ తాలూకా’ సమయంలో రెమ్యూనరేషన్ పూర్తిగా తీసుకోకుండా, రెండు ప్రాంతాల థియేట్రికల్ హక్కులు తీసుకుని నిర్మాతకు భారం తగ్గించారు. దీంతో సినిమా లాభాల్లోకి వెళ్లే అవకాశం పెరిగింది. అంటూ చెప్పారు.
అలాగే అల్లు అర్జున్ పుష్ప కి ఇవ్వాల్సిన బ్యాలెన్స్ ఏడాది ఆలస్యమైన కూడా మమ్మల్ని ఏమి ఇబ్బంది పెట్టలేదు. జూనియర్ ఎన్టీఆర్, ప్రభాస్ కూడా మీ దగ్గర ఎప్పుడు డబ్బులు ఉన్నప్పుడే మాకు పంపండి అని అంటారు. మహేష్ బాబు కూడా సర్కారు వారి పాట వంటి చిత్రాల్లో OTT నుండి డబ్బు లేటుగా వస్తుంది కదా! నాకు కూడా లేటుగానే ఇవ్వండి అన్నారు.
బాబీ దర్శకత్వంలో వచ్చిన వాల్తేరు వీరయ్య సమయంలో కూడా చిరంజీవి అలానే సహకారం అందించారు. ఆంధ్ర కింగ్ తాలూకా చిత్రంలో ఉపేంద్రకు సాధారణం కంటే తక్కువ పారితోషికం ఇస్తాం అని చెప్పిన , ఒక్క ప్రశ్న కూడా అడగకుండా మాకు ఓకే చెప్పారు. సీనియర్ హీరోల గురించి మాట్లాడితే… బాలకృష్ణ, వెంకటేష్, నాగార్జునలు ఎప్పుడూ తమ మార్కెట్‌కు మించి రెమ్యూనరేషన్ డిమాండ్ చేయరు.
ప్రస్తుతం ఇండస్ట్రీలో సినీమా బడ్జెట్లు పెరిగిపోవడం, థియేట్రికల్ రికవరీ తగ్గడం, ఓటీటీ ఒత్తిడి రావడం వల్ల నిర్మాతలపై ఒత్తిడి భారీగా ఉంది. అయితే ఇలాంటి క్లిష్ట పరిస్థితుల్లోనూ మన స్టార్ హీరోలు రెమ్యూనరేషన్‌ను వాయిదా వేయడం, అవసరమైతే తగ్గించడం, లేదా ఇతర మార్గాల్లో సహకరించడం చూస్తుంటే నిజంగానే వాళ్లు “గోల్డ్” అనిపిస్తారు. అంటూ మన టాలీవుడ్ హీరోస్ గురించి చెప్పుకోచారు నిర్మాత రవి శంకర్.