షాకింగ్ న్యూస్: నిజాలు ఒప్పుకున్న సందీప్ కిషన్… మూడు లవ్ స్టోరీలు… అన్ని ఇండస్ట్రీలోనే!
టాలీవుడ్‌లో తన ఎనర్జిటిక్ స్క్రీన్ ప్రెజెన్స్‌తో ప్రత్యేక గుర్తింపు తెచ్చుకున్న హీరో సందీప్ కిషన్ గురించి ప్రత్యేకంగా చెప్పాల్సిన అవసరం లేదు. ‘స్నేహగీతం’ తో ఎంట్రీ ఇచ్చిన తర్వాత ‘ప్రస్థానం’లో చేసిన నెగెటివ్ షేడ్స్‌తో అందరి దృష్టిని ఆకర్షించాడు. ‘వెంకటాద్రి ఎక్స్‌ప్రెస్’తో పూర్తిగా కమర్షియల్‌గా నిలిచినా, తర్వాత సరైన కథలు అందుకోవడంతో తాను అర్హత సాధించిన స్థాయిలో అవకాశాలు పొందలేకపోయాడు. అయితే తాజాగా సందీప్ తన వ్యక్తిగత జీవితంపై చేసిన వ్యాఖ్యలు ప్రస్తుతం సోషల్ మీడియాలో హాట్ టాపిక్ అయ్యాయి.
ఇటీవల ఒక పాడ్‌కాస్ట్ ఇంటర్వ్యూకి హాజరైన సందీప్, ఈసారి సాధారణంగా మాట్లాడని వ్యక్తిగత విషయాలపైనా ఓపెన్‌గా స్పందించారు. “ఎప్పుడైనా డేటింగ్‌లో ఉన్నారా?” అని యాంకర్ అడగగానే — “ఇప్పుడైతే పూర్తిగా సింగిల్‌నే. అసలు రిలేషన్‌షిప్‌ల మీద నాకు అప్పుడూ పెద్దగా ఇంట్రెస్ట్ లేదు… ఇప్పటికీ అంతగా లేదు” నవ్వుతూ సమాధానమిచ్చాడు. కానీ యాంకర్ మరింత గట్టిగా ఆడటంతో , సందీప్ చివరకు కొంచెం విషయాలు బయటపెట్టాల్సి వచ్చింది. “కొన్ని విషయాలు దాచాలని అనుకున్నా కూడా పూర్తిగా దాగవు” అప్పట్లో కొన్ని రూమర్స్ వచ్చినా, అవి ఎందుకు వచ్చాయో వాళ్లు చూసే ఉంటారు కదా” అంటూ గతంలో ఒకరితో కలిసి కనిపించిన ఘటనలను గుర్తుకు తెచ్చుకొని బాధ పడ్డాడు.
సందీప్ ఎప్పుడూ తన పర్సనల్ లైఫ్ గురించి బయట పెద్దగా మాట్లాడని వ్యక్తిగా పేరుంది. కానీ ఈసారి మాత్రం ఆయన చాలా ఓపెన్‌గా తన ప్రేమ జీవితం గురించి చెప్పేశాడు.“నిజం చెప్పాలంటే… నాకు మొత్తం మూడు సీరియస్ రిలేషన్‌షిప్‌లు ఉన్నాయి. టాలీవుడ్ ఇండస్ట్రీ నుంచే. మొదటి రిలేషన్‌షిప్ నాలుగున్నర సంవత్సరాలు నడిచింది. రెండోది రెండున్నరేళ్లు, మూడోది కూడా దాదాపు అంతే కాలం” అని స్పష్టంగా చెప్పాడు.యాంకర్ “అంటే ముగ్గురూ సినిమా ఫీల్డ్ నుంచేనా?” అని అడగ్గానే, సందీప్ నవ్వుతూ “అవును… పూర్తిగా ఇండస్ట్రీ వాళ్లే” అని సమాధానమిచ్చాడు. కొన్ని అనివార్య పరిస్థితుల వల్లే ఆ సంబంధాలు అంతమైపోయాయని కూడా ఆయన సూచించాడు.
తన రిలేషన్‌ షిప్స్‌లో తాను ఎంతటి కమిట్‌మెంట్‌తో ఉంటానో చెప్పడంలో సందీప్ కళ్లు చెమర్చాడు. గొంతు కొద్దిగా బరువెక్కినట్టు కనిపించింది.“నేను ప్రేమలో పడితే…వాళ్ల కోసం ఏదైనా చేయడానికి సిద్ధం”.. అంటూ నేను చెన్నై షూటింగ్‌లో ఉన్నా, హైదరాబాద్‌లో ఉన్నా… ఒక్క రోజు గ్యాప్ దొరికినా సరే, వాళ్ల దగ్గరకు ఎట్టి పరిస్థితుల్లోనైనా వెళ్లిపోతా. వాళ్లకోసం ఎంత దూరమైనా ట్రావెల్ చేసేవాణ్ణి. ప్రేమలో ఉన్నప్పుడు పూర్తిగా వాళ్లకే అటాచ్ అయిపోతా… దాంతో కొన్నిసార్లు సినిమాల మీద ఫోకస్ కోల్పోయిన రోజులూ లేకపోలేదు” అని భావోద్వేగంతో చెప్పాడు. తను ఎంతగా ఇచ్చిపడేసేవాడినో, ఎంతగా లవ్ చేసేవాడినో ఆ మాటల్లో స్పష్టంగా కనిపించింది.
బ్రేకప్ తర్వాత ఎలా కోలుకున్నావని యాంకర్ అడగ్గానే సందీప్ కొద్దిసేపు ఆగి, గొంతు కిందికి దించుకుని మాట్లాడాడు. “మొదటి ఆరు నెలలు… నిజంగా నరకం. ఏ పనిచేయాలని అనిపించదు. ఏది తినాలనిపించదు, నిద్ర పట్టదు, ఎవరితోనైనా మాట్లాడాలనిపించదు. పూర్తిగా బ్లాంక్ అయిపోయింది. లైఫ్‌లో ఒక అమ్మాయి ఉంది… ఆమె నాకు దేవుడిలా ఉంటుంది. ఆమె చెప్పింది ఒక్కటే — ‘బాధ నుంచి పారిపోకు. దాన్ని ఫుల్‌గా ఫేస్ చెయ్. ఏడవాలనిపిస్తే ఏడువు, ఒంటరిగా ఉండాలనిపిస్తే ఉండు… అది దాటినప్పుడే నువ్వు తిరిగి పుట్టినట్టు’ అని. ఆ మాటలు నాకు లైఫ్‌లైన్ అయ్యాయి. మూడు రిలేషన్షిప్స్ ఎందుకు బ్రేక్ అయ్యాయని అడిగితే, సందీప్ చిన్నగా నవ్వుతూ భుజం ఎగరేస్తూ చెప్పాడు. “పెద్ద పెద్ద కారణాలు ఏమీ లేవు … ఒక్కోసారి టైమింగ్ సరిగ్గా లేదు, ఒక్కోసారి పరిస్థితులు అనుకూలించవు, ఒక్కోసారి చిన్న చిన్న మిస్‌అండర్ స్టాండింగ్స్ పెద్దవిగా మారిపోతాయి. అప్పుడు అర్థం కాదు. ఇప్పుడు వయసు పెరిగాక చూస్తే… అవన్నీ చాలా సహజమనిపిస్తాయి. ప్రతి బ్రేకప్ నన్ను మరింత బెటర్ వర్షన్‌గా తయారు చేసింది.”
“బాధపడాల్సినప్పుడు బాధపడాలి. దాంతో మనం బలపడతాం. తర్వాత మనసు మార్చుకుని ముందుకు నడవాలి — ఇదే నాకు నేర్పిన పాఠం” అని సందీప్ చెప్పిన మాటలు చాలా మందికి కనెక్ట్ అవుతాయి. అయ్యాయి. గతంలో సందీప్ కిషన్ మరియు రెజీనా కసాండ్రా రిలేషన్‌షిప్‌లో ఉన్నారన్న వార్తలు వచ్చిన సంగతి తెలిసిందే. ఇప్పుడు ఆయన “ముగ్గురూ ఇండస్ట్రీ వాళ్లే” అని స్పష్టంగా చెప్పడంతో, సోషల్ మీడియాలో “లిస్ట్‌లో రెజీనా ఉన్నారా?” అన్న చర్చ మళ్లీ మొదలైంది. సందీప్ చెప్పిన ఈ వ్యక్తిగత వ్యాఖ్యలు ప్రస్తుతం వైరల్ అవుతున్నాయి.