శభరిమలకు వెళ్తున్న అయ్యప్ప భక్తులకు హై అలర్ట్! కేరళ ప్రబుత్వం కీలక హెచ్చరిక…

కేరళలో వేగంగా విజృంభిస్తున్న అమీబిక్ మెనింగోఎన్సిఫలైటిస్ వ్యాధి. ఇప్పటికే అతివేగంగా వ్యాపిస్తున్నట్టు సమాచారం. కేవలం నవంబర్ లోనే దాదాపు 150 కేసులు, 30 మందికి పైగా చనిపోయారు.

శభరిమాల అయ్యప్ప స్వామిని దర్శించుకునేందుకు వెళ్తున్న భక్తులకు, స్వాములకు కేరళ హెల్త్ డిపార్ట్మెంట్ కీలక హెచ్చరికలు చేసింది. స్నానాలు చేసే సమయంలో ముక్కులోకి నీరు పోకుండా చూసుకోవాలి అని తెలిపారు. సాధ్యమైనంతవరకు సురక్షితంగా శుభ్రపరిచిన నీళ్ళు ఉన్న చోటనే స్నానం చేయాలన్నారు. అతి లోతైన నీటిలోకి వెళ్లకూడదు. ఎక్కువగా చెరువులు, నదులల్లో స్నానాలు చేసినప్పుడు వచ్చే ఆవకాశం వుంటుందని తెలిపారు. ఈ వ్యాధి తీవ్రంగా ప్రాణాంతకం, నీరు ముక్కులోకి వెళ్లినప్పుడు అమీబా నేరుగా మెదడును చేరుతుంది. ఇది ఒకరినుండి  ఇంకో వ్యక్తికి వచ్చే వ్యాధి కాదు.

దీని లక్షణాలు ఎలా వుంటాయి అంటే ముందుగా తీవ్ర తలనొప్పి, జ్వరం, వాంతులు, మెడ నొప్పి లేదా గట్టిపోవడం తర్వాత అవుతుంటాయి. తర్వాత ఫిట్స్, మెదడు పై తీవ్ర ప్రభావం చూపిస్తుంది.ఎవరికైనా శరీరంలో ఏవైనా అసాధారణ లక్షణాలు ఉంటే వెంటనే డాక్టర్ కి కలవడం మంచిదని అంటున్నారు. శబరిమలకు వెళ్లే సమయంలో భక్తులు నదులలో, చెరువులలో లేదా పవిత్ర జలాల్లో స్నానాలు చేయడం ఎక్కువగా ఉంటుంది. ఈ సమయంలోనే ముక్కులోకి నీరు వెళ్లే ప్రమాదం ఎక్కువ. అందుకే ప్రభుత్వము ముందస్తు జాగ్రత్తలు తీసుకోవాలని సూచిస్తోంది.