రజనీ ఉన్నా… జైలర్ 2లో స్టార్ ఓవర్‌లోడ్? ప్రేక్షకుల్లో మిక్స్డ్ రియాక్షన్స్…
సూపర్‌స్టార్ రజనీకాంత్ మరియు డైరెక్టర్ నెల్సన్ కంబో లో వచ్చిన చిత్రం జైలర్ ఇది 2023లో విడుదలై బాక్సాఫీస్ రికార్డులు బద్దలు కొట్టింది. ఇప్పుడు జైలర్ సీక్వెల్ అయిన జైలర్ 2 కూడా షూటింగ్ శరవెంగంగా జరుగుతుంది.
ఈ సినిమా 2026 సమ్మర్ లో విడుదల అవుతుంది అని కోలీవుడ్ సినీ వర్గాల లో చర్చ నడుస్తుంది. ఇ సినిమా మీద తమిళ ఇండస్ట్రీ మాత్రమే కాకుండా తెలుగు, కన్నడ, మలయాళం మరియు హింది ఇండస్ట్రీ లో కూడా బాగా హైప్ తెచుకుంట్టుంది.
దానికి కారణం సూపర్ స్టార్ రజినీకాంత్ ను మళ్లీ ‘టైగర్’ ముత్తువేల్ పాండియన్ పాత్రలో కనిపించబోతున్నారు కాబట్టి ట్రేడ్ వర్గాల్లో అంచనాలు ఆకాశాన్నంటాయి. ప్రస్తుతం జైలర్ 2 చిత్రీకరణ వేగంగా కొనసాగుతోంది.
అందువల్ల రోజుకో కొత్త స్టార్ క్యాస్టులో చేరుతూ, ఈ చిత్రం మరింత భారీ స్థాయికి చేరుతోంది. అంతేకాక తాజాగా మక్కల్ సెల్వన్ విజయ్ సేతుపతి కూడా ఒక కీలక పాత్ర కోసం జైలర్ 2 కాస్ట్ లో చేరినట్లు సమాచారం.
ఇప్పటికే గోవా షెడ్యూల్‌లో విజయ్ సేతుపతి భాగం షూటింగ్ ప్రారంభించినట్లు సమాచారం. దాంతో, పేట్ట తర్వాత రజనీకాంత్ మరియు విజయ్ సేతుపతి జోడీ మరోసారి ప్రేక్షకుల ముందుకు రావడం విశేషంగా నిలుస్తోంది.
అలాగే ఈ చిత్రంలో రమ్యాకృష్ణ, యోగిబాబు, మిర్నా మెనన్ వంటి నటీనటులు జైలర్ మొదటి పార్ట్ నుండి ఉన్నారు. అంతేకాక, బాలీవుడ్ నటి విద్యా బాలన్ కూడా ఒక ముఖ్యమైన పాత్ర పోషిస్తున్నట్లు సమాచారం. ఆమె, మిథున్ చక్రబోర్తి పెద్ద కూతురుగా కనిపించనున్నట్లు చెబుతున్నారు.
మరోవైపు ఈ సినిమా పలు భాషల స్టార్‌లతో నిండి కేమియోల విందుగా మారబోతుందని టీమ్ నుంచి సమాచారం వస్తోంది. ఉదాహరణకు, కన్నడ సూపర్‌స్టార్ శివరాజ్‌కుమార్ మరియు మలయాళ లెజెండ్ మోహన్‌లాల్ జైలర్ మొదటి పార్ట్ నుండి ఉన్నారు.
జైలర్ 2 లో కూడా ఇప్పటికే తమ పాత్రల షూటింగ్ కూడా అయిపోయింది. అదనంగా తమిళ నటుడు ఎస్‌.జే. సూర్యా కూడా చిన్నదైనా కీలకమైన పాత్రలో కనిపించనున్నాడు. దాంతో జైలర్ 2లో నటీనటుల జాబితా మరింత ఘనంగా మారి, ప్రేక్షకుల్లో ఆసక్తిని ఇంకా పెంచుతోంది.
ఇంకా టాలీవుడ్ నటుడు బాలకృష్ణకు నిర్మాతలు ప్రత్యేక పాత్ర ఆఫర్ చేసినప్పటికీ, ఆయన తిరస్కరించినట్లు సమాచారం. దాంతో, ఆ పాత్రను ఫహద్ ఫాసిల్ చేస్తాడు అన్న వార్తలు బలంగా వినిపిస్తున్నాయి.
ఇలాంటి పెద్ద స్టార్‌లు, కొత్త కేమియోలు చేరుతున్నకొద్దీ ‘జైలర్ 2’పై ఉన్న అంచనాలు విపరీతంగా పెరుగుతున్నాయి. కాని, ఇంత భారీ స్టార్ కాస్ట్‌ను ఒకే కథలో సమంగా నడిపించడం దర్శకుడు నెల్సన్ దిలీప్‌కుమార్‌కు ఎంతవరకు సాధ్యం అవుతుందనే ప్రశ్న ఇప్పుడే ప్రేక్షకులలో చర్చనీయాంశంగా మారింది.
చివరగా ఇప్పటివరకు బయటకు వచ్చిన సమాచారం ప్రకారం ‘జైలర్ 2’ మరింత భారీ స్థాయిలో, ఇంకా స్టైలిష్ లుకుతో రూపొందుతున్నది అనిపిస్తోంది. మొత్తంమీద, రజనీ కాంత్ యొక్క పవర్‌ఫుల్ ప్రెజెన్స్, భారీ స్టార్ కాస్ట్, అలాగే పలు కేమియోలు మరియు యాక్షన్ ఎలిమెంట్లు అన్ని కలిసీ ఈ సీక్వెల్‌ను 2026లో భారీ హిట్‌గా నిలిపే అవకాశాలను స్పష్టంగా చూపిస్తున్నాయి.