రాజు వెడ్స్ రాంబాయి – నిజ జీవిత ప్రేమ కథ చిత్రం రివ్యూ…
గ్రామీణ నేపథ్యంతో సాగే ప్రేమకథగా రూపొందిన రాజు వెడ్స్ రాంబాయి సినిమాను వేణు ఊడుగుల, రాహుల్ మోపిదేవి, ఈటీవీ విన్ ఒరిజినల్స్ నిర్మాణంలో సాయిలు కంపాటి దర్శకత్వం వహించిన ఈ మూవీలో అఖిల్ రాజ్, తేజస్విని లీడ్ రోల్స్‌లో నటించారు.
గ్రామీణ నేపథ్యంతో సాగే ప్రేమకథగా రూపొందిన రాజు వెడ్స్ రాంబాయి సినిమాను వేణు ఊడుగుల, రాహుల్ మోపిదేవి, ఈటీవీ విన్ ఒరిజినల్స్ నిర్మాణంలో సాయిలు కంపాటి దర్శకత్వం వహించిన ఈ మూవీలో అఖిల్ రాజ్, తేజస్విని లీడ్ రోల్స్‌లో నటించారు.
అయితే ఈ చిత్రం 2010లో ఒక పల్లెటూరిలో జరిగిన నిజ సంఘటనను ఆధారంగా తీసుకుని తెరకెక్కింది. అంతేకాక అఖిల్ రాజ్ మరియు తేజస్విని పోషించిన పాత్రలు పల్లెటూరు నేటివిటీకి దగ్గరగా ఉండేలా అద్భుతంగా చూపించారు.
ఈ ప్రేమ కథను ఎలాంటి ఆర్టిఫిషియల్ టచ్ లేకుండా నిజ జీవితంలో ఎలా ఉంటుందో అచ్చం అలాగే సింపుల్‌గా, సహజంగా చూపించడం ఈ సినిమాకి ప్రత్యేక ఆకర్షణగా మారింది. అలాగే అఖిల్ రాజ్ పోషించిన రాజు పాత్ర సాధారణ పల్లెటూరు యువకుడిలా కనిపిస్తుంది. అతడి నడవడి, ఫ్రెండ్స్‌తో చేసే సరదా, ప్రేమ పట్ల చూపించే నిజాయితీ ఇవన్నీ రియలిస్టిక్‌గా ఉన్నాయి.
ముఖ్యంగా కొన్ని భావోద్వేగ సన్నివేశాల్లో అతడి రియాక్షన్స్ మొత్తం పాత్రకు మాత్రం మంచి న్యాయం చేశాడు. మరోవైపు తేజస్విని చేసిన రాంబాయి పాత్ర గురించి ప్రత్యేకంగా చెప్పుకోవాల్సిందే . ఆమె నేచురల్ లుక్ తో ఎలాంటి మేకప్ లేకుండా, పల్లెటూరి అమ్మాయి ఎలా ఉంటుందో అచ్చం అలాగే తెరపై చూపించింది.
ముఖ్యంగా ప్రేమలో ఉండే సైలెంట్ సీన్స్ అయినా, ఎమోషన్ వచ్చినప్పుడు చూపించే మార్పులు అయినా అన్నీ సహజంగా చేసింది. ఇంక రాంబాయి తండ్రి పాత్ర చేసిన చైతూ జొన్నలగడ్డ మాత్రం సినిమాలో బలమైన ఇంపాక్ట్ ఇచ్చాడు. అయితే ఆ పాత్రలో ఉండాల్సిన గంభీరత, అవిటితనం, కుటుంబ ప్రేమ వీటన్నింటినీ బాగా చూపించాడు.
అలాగే శివాజీ రాజా మరియు ఇతర నటీనటులు కూడా తమ పాత్రల్లో నిజాయితీగా కనిపించారు. మరోవైపు హీరో ఫ్రెండ్ పాత్రలో కనిపించిన డాంబర్ హాస్యంతో ఫస్ట్ హాఫ్‌లో మంచి ఎనర్జీ తీసుకొచ్చాడు.
అయితే ఒక చిన్న గ్రామంలో జరిగిన నిజ సంఘటనను సినీమాటిక్‌గా మార్చి చూపించారు. ముఖ్యంగా ప్రేమలో వచ్చే చిన్న చిన్న మధుర క్షణాలు, తర్వాత ఎదురయ్యే కుటుంబ సమస్యలు, ఆ ఇద్దరి మధ్య వచ్చే దూరాలు ఇవన్నీ సహజమైన పద్ధతిలో చూపించారు.
సినిమాలో ఎలాంటి అతి లేకుండా, ఆప్యాయతతో నడిచే రూరల్ లవ్ స్టోరీగా చిత్రం ముందుకు సాగుతుంది. రాజు వెడ్స్ రాంబాయి సినిమాకు సినిమాటోగ్రఫీ హైలైట్. పచ్చటి పొలాలు, పల్లెటూరి దారులు, ఇరుకైన గల్లీలు ఈ ఫ్రేమ్స్ ప్రేక్షకుడిని నేరుగా ఆ గ్రామీణ వాతావరణంలోకి తీసుకెళ్తాయి.
సురేష్ బొబ్బిలి సంగీతం, ముఖ్యంగా బ్యాక్‌గ్రౌండ్ స్కోర్ సినిమాకు ఊపిరి పోస్తుంది. ఇప్పటికే సూపర్ హిట్ అయిన రాంబాయి పాట స్క్రీన్‌పై ఇంకా అద్భుతంగా కనిపిస్తుంది.
మన డైరెక్టర్ సాయిలు కంపాటి నిజ జీవిత సంఘటనను తీసుకుని దాన్ని ఒక చిన్న, మనసుకు హత్తుకునే ప్రేమకథగా మలిచిన విధానం చాలా సరళంగా, నిజాయితీగా ఉంటుంది. అంతేకాకుండా పాత్రల మధ్య భావోద్వేగాలను ఓపికతో చూపించారు కానీ ఎక్కడా ఓవర్‌డోస్ ఇవ్వలేదు.
అసలు ఈ కథ ఏమిటి, ఏం జరిగిందనేది స్పాయిల్ చేయకుండా ప్రేక్షకుడిని కథలోపలికి లాగేస్తారు. మొత్తంగా చూస్తే రాజు వెడ్స్ రాంబాయి ఒక గ్రామీణ ప్రేమకథ. ఎమోషన్స్, అందమైన పల్లెటూరు నేపథ్యం, మధురమైన సంగీతం ఇవన్నీ కలిసి దీన్ని మంచి ఫ్యామిలీ ఎంటర్‌టైనర్‌గా నిలబెడతుంది. ఈ జానర్‌ను ఇష్టపడేవారికి బాగా నచ్చే సినిమా అవుతుంది.