రాజు వెడ్స్ రాంబాయి బాక్సాఫీస్ రికార్డ్… రెండు రోజుల్లో కలెక్షన్స్ షాక్ ఇచ్చాయి…

శుక్రవారం థియేటర్లలో విడుదలైన రాజు వెడ్స్ రాంబాయి సినిమాకి ప్రేక్షకుల నుంచి మంచి స్పందన వస్తోంది. హార్ట్ టచింగ్ లవ్ స్టోరీగా ఈ చిత్రాన్ని ప్రేక్షకులు ప్రశంసలు కురిపిస్తున్నారు.

తాజాగా విడుదల చేసిన వివరాల ప్రకారం, ఆంధ్రప్రదేశ్ & తెలంగాణ కలిపి తొలి రోజు గ్రాస్ వసూళ్లు ₹1.47 కోట్లు. ప్రధాన సెంటర్లలో టికెట్ ధరలను కేవలం రూ.99, రూ.109 మధ్యలో ఉంచడం బాగా కలిసొచ్చింది. ఇతర సినిమాలకు మిక్సిడ్ టాక్ రావడం కూడా ఈ మూవీకే  లాభంగా మారింది. దీంతో రెండో రోజు నుంచే చిత్రానికి భారీగా ప్రేక్షకులు థియేటర్లకు వచ్చారు. రిలీజ్ రోజు రెండు తెలుగు రాష్ట్రాల్లో 200 స్క్రీన్స్ లో మాత్రమే విడుదలైన ఈ సినిమా, సానుకూల స్పందనతో రెండో రోజుకే 100 కి పైగా స్క్రీన్లు అదనంగా జోడించుకుంది. పెరిగిన షోలు, మంచి టాక్, తక్కువ టికెట్ ధరలు కలిసి రావడంతో — రెండో రోజు వరకు సినిమా రూ.4 కోట్ల గ్రాస్ వసూల్ చేసి మంచి స్పీడ్‌లో ముందుకెళ్తోంది.