పూరి జగన్నాథ్‌ రీ – ఎంట్రీతో బాక్సాఫీస్ షేక్ అవుతుందా?…సేతుపతి ఎమోషనల్ అవడానికి అసలు కారణం ఇదే…
విజయ్‌ సేతుపతి కథానాయకుడిగా పూరి జగన్నాథ్‌ దర్శకత్వం వహిస్తున్న పాన్‌ ఇండియా చిత్రం షూటింగ్‌ను పూర్తిచేసింది. పూరి కెనెక్ట్స్‌ బ్యానర్‌పై పూరి జగన్నాథ్‌, ఛార్మి కౌర్‌, జేబీ నారాయణరావు కొండ్రోళ్ల ఈ చిత్రాన్ని నిర్మిస్తున్నారు.
అలాగే సంయుక్తా మేనన్‌ కథానాయికగా నటిస్తుండగా, టబు, దునియా విజయ్‌ కుమార్‌ వంటి ప్రముఖులు కీలక పాత్రలు పోషిస్తున్నారు. షూటింగ్‌ పూర్తైన సందర్భంగా చిత్రబృందం ఓ ఎమోషనల్ వీడియో విడుదల చేసింది.
అందులో విజయ్‌ సేతుపతి ఈ ప్రయాణం తనకు మరపురాని అనుభవమని, పూరి మరియు మొత్తం యూనిట్‌తో పనిచేయడం మిస్‌ అవుతానని చెప్పారు.అలాగే పూరి కూడా టీం‌తో ఏర్పడిన అనుబంధాన్ని గుర్తుచేసుకున్నారు. సరదాగా సేతుపతి, పూరి ధరించిన జాకెట్‌ను కూడా ప్రశంసించారు.
అయితే ఈ సినిమాను వినూత్నమైన మాస్‌ యాక్షన్‌ ఎంటర్‌టైనర్‌గా తెరకెక్కిస్తున్నారు. అలాగే స్లమ్‌డాగ్‌ అనే టైటిల్‌ను పరిశీలిస్తున్నట్టు సమాచారం. త్వరలోనే టైటిల్‌, ఫస్ట్‌లుక్‌, విడుదల తేదీపై అధికారిక ప్రకటన రానుంది.
ఈ సినిమాకి అర్జున్‌రెడ్డి, అనిమల్‌ వంటి చిత్రాలతో గుర్తింపు పొందిన హర్షవర్ధన్‌ రామేశ్వర్‌ సంగీతం సమకూరుస్తున్నారు. ఆయన బ్యాక్‌గ్రౌండ్‌ స్కోర్‌ ఈ కథనానికి మరింత ఉత్కంఠను తీసుకురానుంది. అయితే పూరి జగన్నాథ్‌ వేగం, స్పష్టమైన ప్లానింగ్‌తో సినిమాలను త్వరగా పూర్తి చేసే దర్శకుడు. ఈసారి కూడా ప్రత్యేకమైన వర్కింగ్‌ స్టైల్‌తో తక్కువ సమయంలో షూటింగ్‌ పూర్తి చేశారు.
టబు పాత్ర ఈ సినిమాలో ప్రధాన ఆకర్షణగా నిలుస్తుందని చెబుతున్నారు. ఆమె పాత్రకు ఉన్న ప్రాధాన్యత ప్రేక్షకులను ఆకట్టుకునేలా ఉంటాయని యూనిట్‌ విశ్వసిస్తోంది. ఈ చిత్రాన్ని తెలుగు, తమిళం, కన్నడ, మలయాళం, హిందీ భాషల్లో భారీగా విడుదల చేసేందుకు ప్లాన్‌ చేస్తున్నారు. బాక్సాఫీస్ వద్ద ఘనంగా తిరిగి నిలబడాలనే ఉద్దేశ్యంతో పూరి జగన్నాథ్‌ ప్రత్యేక శ్రద్ధతో ఈ సినిమాను రూపొందించారు.