ప్రభాస్ vs ఎన్టీఆర్ ఫ్యాన్స్…. ఎన్టీఆర్ ఫ్యాన్స్ ఎందుకు అంత కోపంగా ఉన్నారో తెలుసా?
టాలీవుడ్‌లో ప్రస్తుతం దుమ్ము రేపుతున్న హైప్ ప్రభాస్ – మారుతి కాంబినేషన్‌లో వస్తున్న సినిమా ది రాజాసాబ్. పీపుల్ మీడియా ఫ్యాక్టరీ బ్యానర్‌పై భారీ స్కేల్‌లో తెరకెక్కుతున్న ఈ రొమాంటిక్ హారర్ కామెడీ 2026 సంక్రాంతికి థియేటర్లలో సందడి చేయడానికి రెడీ అవుతోంది. ఇప్పటికే విడుదలైన గ్లింప్స్‌, టీజర్‌, పోస్టర్లు ప్రభాస్ రాయల్ రెబల్ లుక్, హాంటెడ్ అట్మాస్ఫియర్‌, మారుతి స్టైల్ కామెడీ అన్ని కలిసి సినిమాపై అంచనాలను మరింత పెంచేశాయి. ఫ్యాన్స్ ఇప్పటి నుంచే ఎగ్జైట్మెంట్ పీక్‌లో ఉన్నారు. రాజాసాబ్ అసలేం చేస్తున్నాడు? అతనిలో దాగిన మిస్టరీ ఏమిటి? ఇవన్నీ తెలుసుకోవాలంటే 2026 సంక్రాంతి వరకూ వెయిట్ చేయాల్సిందే. కానీ హైప్ మాత్రం ఇప్పుడే టాప్ గేర్‌లో ఉంది.
ది రాజాసాబ్ ఫస్ట్ సింగిల్ రెబల్ సాబ్ లాంచ్ ఈవెంట్‌లో ప్రభాస్ కటౌట్‌ను ప్రదర్శించిన తర్వాత డైరెక్టర్ మారుతి స్టేజ్ మీద ఉవ్విళ్లూరుతూ ప్రభాస్‌ను కొనియాడుతూ అన్న మాటలు ఏంటంటే… నేను రెబల్ యూనివర్సిటీలో చదువుతున్నాను… ప్రభాస్ నా టాలెంట్‌ను గుర్తించి యూనివర్సిటీలోకి తీసుకొచ్చాడు. ప్రభాస్ ఫోటో జేబులో పెట్టుకుంటే ఎవడైనా టాప్ డైరెక్టర్ అవుతాడు… రేపు పండగకి ఫ్యాన్స్ కాలర్ ఎగరేస్తారు అని నేను అనను, అది ప్రభాస్ కటౌట్‌కి చాలా చిన్నది. సినిమా రిలీజ్ తర్వాత వారి రియాక్షన్ గురించి మాట్లాడారు. కానీ ఈ ఈవెంట్ పాట హైలైట్ కాకుండా… డైరెక్టర్ మారుతి మాటలే వివాద హుద్దుగా మారాయి.
ఒక్క వాక్యంతో ట్విట్టర్, ఇన్‌స్టాగ్రాం మొత్తం మంటలు రాజేశాయి… ఎన్టీఆర్ ఫ్యాన్స్ భగ్గుమన్నారు – కాలర్ ఎత్తడం మాకు గర్వకారణం, దాన్ని చిన్నగా చూపించాడా? అంటూ మారుతిని ట్రోల్స్‌తో నిండా ముంచేశారు. మరోవైపు ప్రభాస్ ఫ్యాన్స్ మాత్రం మా అన్న మహిమ ఇదేరా… అంటూ వీడియోలు వైరల్ చేస్తూ సంబరాలు చేసుకున్నారు. రెండు ఫ్యాన్ బేస్‌ల మధ్య మళ్లీ యుద్ధం మొదలైంది. వివాదం మంటలు అడవిలా వ్యాపించగా… మారుతి ట్విట్టర్‌లో స్పందించారు: నా మాటలు తప్పుగా అర్థం అయ్యాయి. ఎవరినీ కించపరచాలని లేదు. ఎన్టీఆర్ గారు, ఆయన అభిమానులు అందరిపట్లా నాకు గౌరవమే. నా కామెంట్ ఏ హీరోని పోల్చడం కాదు… ప్రభాస్ కటౌట్ గొప్పతనం చెప్పడమే. బాధపడిన వాళ్లకు సారీ… అంటూ బహిరంగ క్షమాపణ చెప్పారు. ప్రస్తుతం వివాదం కొంత తగ్గినా… ఇంకా మంటలు పూర్తిగా ఆరలేదు. 2026 సంక్రాంతికి వస్తున్న ది రాజాసాబ్ కి ఇప్పటికే భారీ హైప్ ఉంది…