ఒక్క డైలాగ్‌తోనే ప్రపంచాన్ని నిశ్శబ్దం చేసిన బాలయ్య… అఖండ 2 ట్రైలర్ చూసి నెటిజన్స్ షాక్…
నందమూరి బాలకృష్ణ నటించిన భారీ యాక్షన్ ఎంటర్‌టైనర్ అఖండ 2 తాండవం ట్రైలర్‌ను శుక్రవారం రాత్రి కర్ణాటకలోని చిక్కబళ్లాపుర జిల్లా చింతామణిలో ఘనంగా ఆవిష్కరించారు. కన్నడ సూపర్‌స్టార్ శివరాజ్‌కుమార్ ముఖ్య అతిథిగా హాజరై ట్రైలర్‌ను విడుదల చేశారు. బోయపాటి శ్రీను రూపొందిస్తున్న ఈ భారీ పాన్‌ ఇండియా చిత్రం ‘అఖండ 2: తాండవం’లో సంయుక్తా మేనన్‌ కథానాయికగా, ఆది పినిశెట్టి శక్తివంతమైన ప్రతినాయకుడిగా నటిస్తుండగా, ఎం. తేజస్విని నందమూరి సమర్పణలో రామ్‌ – గోపీ ఆచంట నిర్మిస్తున్న ఈ బ్లాక్‌బస్టర్ అఖండ సీక్వెల్ డిసెంబర్ 5న ప్రేక్షకుల ముందుకు రానుంది.
బాలకృష్ణ – బోయపాటి కాంబినేషన్‌లో నాలుగోసారి వస్తున్న ఈ చిత్రం ప్రత్యేక ఆకర్షణగా మారింది. ముఖ్యంగా అఘోరా పాత్రలో ఆయన విశ్వరూప దర్శనం, త్రిశూలంతో రుద్రతాండవం ప్రేక్షకులను ఆకట్టుకున్నాయి. థమన్ అందించిన బ్యాగ్రౌండ్ స్కోర్ గూస్‌బంప్స్ తెప్పిస్తోంది. ఈ సినిమాలోని పవర్‌ఫుల్ డైలాగ్స్ ఇప్పటికే సోషల్ మీడియాలో వైరల్‌గా మారాయి.
ఈ సినిమా విజయోత్సవం కూడా ఇదే వేదికపై జరుపుకుంటాం అని బాలకృష్ణ ధీమా వ్యక్తం చేశారు. దర్శకుడు బోయపాటి శ్రీను మాట్లాడుతూ… శివతత్వాన్ని ఆధారంగా చేసుకుని తెరకెక్కిన అద్భుతమైన చిత్రం ఇది. దేశాన్ని చెడు దిశగా నెట్టే శక్తులు పెరిగినప్పుడు ధర్మం, తానే త్రిశూలం పట్టుకుని యుద్ధానికి దిగినట్టు మా సినిమా ఉంటుంది అని చెప్పారు. ఈ సినిమా డిసెంబర్ 5, 2025 న తెలుగు, హిందీ, కన్నడ, తమిళ్, మలయాళ భాషల్లో రిలీజ్ అవ్వనుంది. బాలయ్య అభిమానులకు మరో బ్లాక్‌బస్టర్ ఫెస్టివల్ సిద్ధమవుతోంది.