నిర్మాత ఎన్కౌంటర్ వ్యాఖ్యలపై రవి తండ్రి అప్పారావ్ ఆగ్రహం… ఎవరు ఇచ్చారు ఆ హక్కు అంటూ…

ఐ బొమ్మ రవిని ఎన్కౌంటర్ చేయాలి అని చేసిన సినీ నిర్మాత వ్యాఖ్యలపై తీవ్రంగా తప్పుబడుతూ రవి తండ్రి అప్పారావు మండిపడ్డారు. ఆ నిర్మాతను లేదా అతని కొడుకుని ఎన్కౌంటర్ చేస్తే నొప్పి, బాధ అసలు ఎలా ఉంటుందో అప్పుడు అర్థం అవుతుంది అని మండిపడ్డారు.

ఎన్కౌంటర్ చేయాలని చెప్పే రైట్స్ సినిమా నిర్మాతలకు ఎవరు ఇచ్చారు? రవి చేసింది తప్పా, కరెక్టా—అది చట్టం చూసుకుంటుంది. పోలీస్‌లు విచారణ చేస్తున్నారు. నిర్మాతలకు ఇందులో ఎలాంటి హక్కు లేదు అన్నారు. పోలీస్ విచారణలో ఉన్న రవి తనతో రెండు సార్లు మాట్లాడినట్టు అప్పారావ్ తెలిపారు.

వందల కోట్లు పెట్టి సినిమాలు తీసి ఆ భారాన్ని ప్రేక్షకులపై ఎందుకు మోపుతున్నారు? ఎన్టీఆర్‌, నాగేశ్వరరావు, శోభన్ బాబు గారు—వాళ్లు వందల కోట్లు పెట్టి సినిమాలు తీసారా? వాళ్ళు వందల కోట్లు పెట్టి తీయలేదు  అయినా ఎంతో గొప్ప సినిమాలు ఇచ్చారు. కానీ ఇప్పుడు హీరోల కోసం కోట్లు ఖర్చు చేసి ఆ భారాన్ని ప్రజలపై మోపుతున్నారు అని మండిపడ్డారు.