మామ – అల్లుళ్ళ మ్యాజిక్ మళ్ళీ రిపీట్ కానుందా ?… పరిశ్రమ అంతా షాక్!
సూపర్‌స్టార్ మహేష్ బాబు, దర్శకుడు ఎస్.ఎస్. రాజమౌళి కలయికలో రూపొందుతున్న భారీ బడ్జెట్ చిత్రం వరాణాసి మీద అభిమానుల ఆసక్తి రోజు రోజుకి పెరిగిపోతుంది . ఈ సినిమాలో మహేష్ బాబు ప్రధాన పాత్ర రుద్ర గా నటిస్తున్నారు. ప్రియాంక చోప్రా మందాకిని, పృథ్వీరాజ్ సుకుమార్ కుంభ పాత్రల్లో కనిపించబోతున్నారు. మహేష్ బాబు చిన్ననాటి సన్నివేశాల షూటింగ్ త్వరలో ప్రారంభం కానుంది.
ఈ పాత్రను హీరో సుధీర్ బాబు కొడుకు దర్శన్ పోషించనున్నారనే వార్త సోషల్ మీడియాలో వైరల్ అవుతోంది. కానీ అభిమానులు అందరు మహేష్ బాబు చిన్నప్పటి పాత్ర మహేష్ బాబు వారసుడు గౌతమ్ చేస్తాడనుకున్నారు. కానీ గౌతమ్ వయసు పాత్రకు సరిపోకపోవడం మరియు అందుబాటులో లేకపోవడంతో ఇప్పుడు దర్శన్‌ను ఫైనల్ చేశారట. దర్శన్ లుక్, జుట్టు స్టైల్ చిన్న మహేష్‌కి ఒక్కటే కనిపిస్తాయని అందరూ అంటున్నారు.
2018లో వచ్చిన గూడచారి సినిమాలో అడివి శేష్ చిన్నతనం పాత్రతో దర్శన్ తొలి ఎంట్రీ ఇచ్చాడు. 2022లో సర్కారు వారి పాటలో యంగ్ మహేష్ బాబు పాత్ర చేసి మంచి గుర్తింపు సంపాదించాడు. ప్రస్తుతం హాను రాఘవపూడి దర్శకత్వంలో, మైత్రి మూవీ మేకర్స్ నిర్మిస్తున్న ఫౌజీలో ప్రభాస్ చిన్నతనం పాత్రలో కనిపించబోతున్నాడు. ఇప్పుడు వరాణాసితో మహేష్ బాబు చిన్నప్పటి పాత్ర చేసే ఛాన్స్ దక్కింది. ఈ రెండు సినిమాలు హిట్ అయితే, దర్శన్ కెరీర్‌కి భారీ బూస్ట్ వస్తుందని ఇండస్ట్రీ వర్గాలు చెబుతున్నాయి. మొత్తంమీద, దర్శన్ ఎంట్రీతో వరాణాసి మీద హైప్ మరింత పెరిగింది.