IFFI 2025లో రజనీకాంత్‌కి ఘన సన్మానం…“వంద జన్మలెత్తినా నటుడిగానే పుడతాను”
గోవాలో జరిగిన 56వ అంతర్జాతీయ భారతీయ చలనచిత్రోత్సవం శుక్రవారం అంగరంగ వైభవంగా ముగిసింది. మొదటగా ఈ వేడుకలో ప్రత్యేక ఆకర్షణగా సూపర్‌స్టార్ రజనీకాంత్‌కు ఘన సన్మానం చేసారు.
కారణం ఆయన సినీ ప్రయాణం 50 ఏళ్ల మైలురాయిని చేరుకున్న విషయం. అందువల్ల రజనీకాంత్‌ను వేదికపై ఎంతో గౌరవంగా సత్కరించారు. కేంద్ర సమాచార ప్రసార శాఖ సహాయ మంత్రి ఎల్. మురుగన్ మరియు గోవా ముఖ్యమంత్రి ప్రమోద్ సావంత్‌లు కలిసి రజనీకాంత్‌కు శాలువా కప్పి సన్మానం చేసారు.
దాంతో ఈ కార్యక్రమానికి గౌరవం, ఉత్సాహం రెండూ మరింత పెరిగాయి. ఆ తర్వాత రజనీ ఎంతో భావోద్వేగంగా మాట్లాడుతూ వంద జన్మలెత్తినా మళ్లీ నటుడిగానే పుడతాను. మళ్ళి సినిమా లు చేస్తాను అంటూ ఈ 50 ఏళ్లలో నాకు అండగా ఉన్న అభిమానులకు, సహనటులకు, దర్శకులకు హృదయపూర్వక ధన్యవాదాలు అని తెలిపారు. దీంతో, సభలో ఉన్న అభిమానులు హర్షధ్వానాలతో వేదికను కదలించారు.
అంతేకాక ఈ ముగింపు వేడుకలో అనేక అవార్డులు కూడా ప్రకటించారు. మరోవైపు సెంట్రల్ ఆఫ్రికన్ రిపబ్లిక్‌లో జరిగిన అంతర్యుద్ధ నేపథ్యంతో రూపొందిన సేఫ్ హౌస్ చిత్రం ఐసీఎఫ్‌టీ యునెస్కో గాంధీ మెడల్‌ను అందుకుంది. అదేవిధంగా రిషబ్ శెట్టి, నవాజుద్దీన్ సిద్ధిఖీ వంటి పలువురు ప్రముఖులు పాల్గొని వేడుకకు మరింత శోభను చేకూర్చారు.
ఇంకా రణ్‌వీర్ సింగ్ నటించిన ధురంధర్ సినిమా ట్రైలర్‌ను ఈ సమారోహంలో అధికారికంగా ఆవిష్కరించారు. ఆదిత్య ధర్ దర్శకత్వంలో రూపొందుతున్న ఈ చిత్రం ట్రైలర్ ప్రేక్షకుల్లో మంచి ఆసక్తిని రేపింది. ఫలితంగా, సినిమా పై అంచనాలు మరింతగా పెరిగాయి.
అలాగే గత ఏడాది డిసెంబరు నుండి ఇప్పటి వరకు మరణించిన పలువురు సినీ ప్రముఖులకు వేదికపై ఘన నివాళులు అర్పించారు. ప్రత్యేకంగా శ్యామ్ బెనెగల్, జాకీర్ హుస్సేన్, బి. సరోజాదేవి, సతీష్ షా, పంకజ్ ధీర్ వంటి ప్రముఖులను స్మరించారు.
ఇలా సన్మానాలు, అవార్డు కార్యక్రమాలు, కొత్త చిత్రాల ట్రైలర్ ఆవిష్కరణ ఇవి అన్నీ కలిసి ఇఫ్ఫీ 2025 ముగింపు వేడుకను ఒక మరపురాని సినీ ఉత్సవంగా మార్చాయి. రజనీకాంత్ చెప్పిన సినిమా నా జీవితం అనే భావం ఈ కార్యక్రమం అంతటా ప్రతిధ్వనించింది.