డేటింగ్ ఓకే… కానీ పెళ్లి వద్దంటున్న శృతి హాసన్ – కారణమేమిటి?
శృతి హాసన్.. భారతీయ సినిమా ఇండస్ట్రీలో మల్టీ టాలెంటెడ్ ఆర్టిస్ట్‌గా ప్రత్యేక గుర్తింపు పొందిన నటి. అయితే కమల్ హాసన్ కూతురుగా సినీ రంగ ప్రవేశం చేసినప్పటికీ, తన నటన, సింగింగ్, మ్యూజిక్ కంపోజింగ్ సామర్థ్యాలతోనే ఓ గట్టి స్థానాన్ని సొంతం చేసుకుంది. తెలుగు, తమిళ్, హిందీ సినిమాల్లో హీరోయిన్‌గా, సింగర్‌గా, కంపోజర్‌గా ఆమె ముద్ర వేసింది.
అదేవిధంగా పర్సనల్ లైఫ్ అంటే శృతి హాసన్ ఎప్పట్నుంచో న్యూస్‌లో ఉంటుంది. గతంలో ధనుష్, సిద్ధార్థ్, చైతన్యతో లింకప్ పుకార్లు వచ్చాయి కానీ చాలావరకు అవి కేవలం గాసిప్సే.
అనంతరం లండన్‌కు చెందిన యాక్టర్ మైఖేల్ కొర్సలేతో (2016-2019) సీరియస్ రిలేషన్‌లో ఉంది. తర్వాత డూడుల్ ఆర్టిస్ట్ సంతాను హజారికాతో (2020-2024) దాదాపు నాలుగేళ్లు లివ్-ఇన్ రిలేషన్‌లో ఉంది.
అయితే ఈ బంధాలు ఎక్కువ కాలం నిలబడకపోవడంతో ఆమె డేటింగ్ లైఫ్ ఎప్పుడూ గాసిప్ కాలమ్స్‌లో హాట్ టాపిక్‌గా మారింది. కానీ శృతి హాసన్ ఈ విషయాలను ఓపెన్‌గానే తీసుకుంటూ తన జీవితాన్ని తన స్టైల్‌లో ఎంజాయ్ చేస్తూ ముందుకు సాగుతుంది.
ఇటీవల ఇంటర్వ్యూల్లో శృతి హాసన్ చాలా బోల్డ్‌గా చెప్పేసింది. అయితే తనకి పెళ్లంటే భయంగా ఉంటుందని అది, ఒక కాగితం మీద సంతకంలగా మాత్రమే అనిపిస్తుందని చెప్పింది. అలాగే లవ్, రొమాన్స్, రిలేషన్స్ మాత్రం చాలా ఇష్టమని, వాటిని పూర్తిగా ఎంజాయ్ చేస్తానని అంటోంది. ఇంకా పెళ్లి ఎప్పటికీ చేసుకోను అని చెప్పలేను కానీ ఒకరు వచ్చి మనసు మార్చేస్తే? అని ఓపెన్ ఆప్షన్ కూడా పెట్టింది.
ఇక కెరీర్ విషయానికి వస్తే శృతి హాసన్ ప్రస్తుతం ఫుల్ జోష్‌లో ఉంది. తను సినిమాలతో పాటు మ్యూజిక్ రంగంలోనూ యాక్టివ్‌గా కనిపిస్తోంది. ఇటీవల ఎస్‌ఎస్ రాజమౌళి – మహేష్ బాబు సినిమా వరణాసి ప్రీ-లాంచ్ ఈవెంట్‌లో ఆమె పాడిన సంచారి ర్యాప్ సాంగ్, స్టేజ్ పెర్ఫార్మెన్స్ హైప్ క్రియేట్ చేసింది.
అయితే వరణాసి ప్రీ-లాంచ్ ఈవెంట్‌ స్టేజ్ ప్రదర్శనకు ఆమె మంచి మొత్తంలో పారితోషికం తీసుకున్నట్లు ఇండస్ట్రీలో వినికిడి ఉంది. ఇక రాబోయే ప్రాజెక్ట్స్ చూస్తే శృతి హాసన్ చాలా బిజీగా ఉంది.
అలాగే ప్రశాంత్ నీల్ దర్శకత్వంలో ప్రభాస్ హీరోగా రాబోతున్న సలార్ పార్ట్ 2 శౌర్యాంగ పర్వంలో కూడా కీలక పాత్రలో కనిపించనుంది. అదేవిధంగా మరికొన్ని పెద్ద ప్రాజెక్ట్స్ కూడా లైన్‌లో ఉన్నాయి. ఒక్కమాటలో చెప్పాలంటే.. శృతి హాసన్ ఫుల్ స్పీడ్‌లో ఉంది.