డబుల్ హ్యాట్రిక్ దిశగా బాలయ్య… NBK 111 లాంచ్… పోస్టర్‌తో తెలుగు సినిమా షేక్…
నందమూరి బాలకృష్ణ వరుస విజయాలతో దూసుకెళ్తున్నారు. అఖండ, వీరసింహారెడ్డి, భగవంత్ కేసరి, డాకు మహారాజ్ సూపర్ హిట్స్ తర్వాత ఇప్పుడు డబుల్ హ్యాట్రిక్ లక్ష్యంగా ముందుకు సాగుతున్నారు. అఖండ 2 తాండవం కోసం అందరూ ఎదురుచూస్తున్న సమయంలో బాలకృష్ణ నిశ్శబ్దంగా తన తదుపరి సినిమా NBK 111 ని నవంబర్ 26 న పూజతో ప్రారంభించారు.
దర్శకుడు గోపీచంద్ ఈసారి బాలకృష్ణని చారిత్రక నేపథ్యంతో ఉన్న ఒక భారీ స్థాయి కథ తో పూర్తిగా కొత్తగా చూపిస్తున్నాడని పూజ సమయం లో విడుదల చేసిన కాన్సెప్ట్ పోస్టర్స్ చూస్తే అర్ధం అవుతుంది. సినిమా ముహూర్త సమయంలో ఉన్న పోస్టర్‌లో బాలకృష్ణ రెండు వేరువేరు గెటప్స్ తో కనిపిస్తున్నాడు. దీనితో బాలకృష్ణ మరోసారి డ్యూయల్ రోల్ చేస్తున్నట్టు స్పష్టం అయింది.
విడుదల పోస్టర్ లో ఒక లుక్ వారియర్‌గా, మరొక లుక్ యుద్ధ యోధుడిగా కనిపిస్తున్నాడు. ఇంకా ఈ కాన్సెప్ట్ పోస్టర్‌లో వరల్డ్ మ్యాప్, కోటలు, యుద్ధరంగం, ఇసుకలో కత్తి, దానిపై గడియారం వంటి ఎలిమెంట్స్ కనిపించడంతో ఇది టైమ్ ట్రావెల్ అంశాలతో కూడిన చారిత్రక కథ అనే అంచనాలు మొదలయ్యాయి. షర్ట్ లేకుండా రుద్రాక్షమాలలతో ఉన్న బాలయ్య లుక్ అభిమానుల్లో భారీ ఉత్సాహాన్ని నింపుతుంది.
సింహా, జై సింహా, శ్రీరామరాజ్యం తర్వాత నయనతారను NBK 111 లో హీరోయిన్ గా ఫిక్స్ చేసారు. బాలయ్య–నయనతార కాంబినేషన్‌కు ఇది నాలుగో సినిమా. వృద్ధి సినిమాస్ బ్యానర్‌పై సతీష్ కిలారు ఈ సినిమాను భారీ బడ్జెట్‌తో నిర్మిస్తున్నారు. సంగీతం థమన్ అందిస్తున్నాడు.
దర్శకుడు గోపీచంద్ హీరో బాలకృష్ణ తో చాలా గొప్ప సినిమా చేస్తున్నాడు. ప్రీ-విజ్యువల్స్ అద్భుతంగా ఉన్నాయి. కాంతారా-2 సినిమా కి పని చేసిన కెమెరామెన్ కూడా ఈ ప్రాజెక్ట్‌లో పని చేస్తున్నారు. ఈ సినిమా అసలు మాములగా ఉండదు అంటూ థమన్ చెప్పడంతో ఈ ప్రాజెక్ట్‌పై హైప్ ఇంకా పెరిగింది. మరిన్ని షూటింగ్ వివరాలు, రిలీజ్ డేట్‌ను త్వరలో ప్రకటించనున్నారు.