చైతు ఇంత దారుణంగా మారిపోతాడని ఎవరైనా ఊహించార?… NC24 మేకింగ్ వీడియో చూస్తే గూస్‌బంప్స్…

నాగ చైతన్య కెరీర్‌లో ఇప్పటివరకు ఎన్నడూ లేనంత భారీ స్థాయి ప్రాజెక్ట్‌తో ప్రేక్షకుల ముందుకు వస్తున్నాడు. కథ, యాక్షన్ టైమింగ్స్, ఫిజికల్ ప్రెజెన్స్, బాడీ లాంగ్వేజ్‌తో సినిమా ప్రేక్షకులకు ఇప్పుడు కొత్త అనుభూతిని పంచబోతోంది. ప్రస్తుతం ఈ సినిమా షూటింగ్ హైదరాబాద్‌లో వేగంగా జరుగుతోంది. తాజాగా విడుదల చేసిన మేకింగ్ వీడియో చూస్తే ఈ చిత్రం ఎంత గ్రాండ్‌గా, భారీ బడ్జెట్‌తో తెరకెక్కుతోందో అర్థమవుతుంది. ఈ వీడియో ఇప్పటికే సోషల్ మీడియాలో వైరల్ అవుతూ, చైతు ఫ్యాన్స్‌ను ఎక్సైట్ చేస్తోంది.

డైరెక్టర్ కార్తీక్ దండు ఈ చిత్రానికి దర్శకత్వం వహిస్తున్నారు. ఇది ఒక మైథాలజికల్ థ్రిల్లర్ జానర్‌లో రూపొందుతోంది. పురాణాలతో ముడిపడిన మిస్టరీ, ఆధునిక కథనంతో కలిపి ఒక యూనిక్ నెరేటివ్ స్టైల్‌లో తెరకెక్కుతోంది. హీరోయిన్‌గా మీనాక్షి చౌదరి నటిస్తుండగా, హిందీలో లాపతా లేడీస్ తో గుర్తింపు తెచ్చుకున్న యంగ్ టాలెంట్ స్పర్శ్ శ్రీవాస్తవ కీలకమైన పాత్రలో కనిపించబోతున్నారు. నాగ చైతన్య కెరీర్‌లోనే అత్యధిక బడ్జెట్‌తో తెరకెక్కుతున్న ఈ మూవీ నవంబర్ 23 చైతన్య బర్త్ డే పురస్కరించుకుని సినిమా టైటిల్‌తో పాటు ఫస్ట్ లుక్ పోస్టర్ విడుదల చేయబోతున్నారు.

ఇప్పటివరకు చైతన్యను ఇలాంటి యాక్షన్ అవతార్‌లో చూడలేదు. ఈ సినిమా తర్వాత ఆయన్ను యాక్షన్ హీరో గా మరింత గట్టిగా స్థిరపరుచుకుంటాడని అనుకుంటున్నారు. ప్రస్తుతం హైదరాబాద్‌లోని ఈ భారీ సెట్స్‌పై కీలక యాక్షన్ ఎపిసోడ్‌లు షూట్ చేస్తున్నారు. కథ, విజువల్స్, సాంకేతికత, నటన  అన్నీ కలిసి ఈ చిత్రం ప్రేక్షకులకు ఒక ఎపిక్ అనుభవాన్ని ఇస్తుందని చిత్ర యూనిట్ విశ్వాసంగా ఉంది. NC24 టైటిల్ & ఫస్ట్ లుక్ కోసం ఇంకా రెండు రోజులే… నవంబర్ 23న చైతు బర్త్‌డే స్పెషల్‌గా వచ్చేస్తుంది.