“భారీ సినిమాలు చేయనని ప్రకటించిన దీపికా – ఎందుకో తెలుసా?”

బాలీవుడ్ టాప్ హీరోయిన్‌గా ప్రత్యేక పరిచయం అవసరం లేని పేరు “దీపికా పదుకోణే”. బ్యాడ్మింటన్ బ్యాక్‌గ్రౌండ్ నుంచి, ఎలాంటి గాడ్‌ఫాదర్ లేకుండా ఇండస్ట్రీలో అడుగు పెట్టి, కష్టాలు  ప్రయత్నాలు క్రమశిక్షణతో టాప్ స్థాయికి చేరుకున్న అరుదైన స్టార్ హీరోయిన్లలో  ఆమె ఒకరు. బాలీవుడ్‌తో పాటు హాలీవుడ్‌లో కూడా తన ప్రతిభను నిరూపించిన దీపికా, ఇప్పుడు కెరీర్‌లో కొత్త దశలోకి ప్రవేశించారు. ముఖ్యంగా తల్లిగా మారిన తర్వాత ఆమె ప్రాధాన్యతలు పూర్తిగా మారాయి.

ఇటీవల ప్రభాస్ హీరోగా తెరకెక్కుతున్న రెండు భారీ చిత్రాలు – సందీప్ రెడ్డి వంగా దర్శకత్వంలోని ‘స్పిరిట్’, అలాగే నాగ్ అశ్విన్ రూపొందిస్తున్న ‘కల్కి 2898 AD’ సీక్వెల్ నుంచి దీపికా తప్పుకోవడం ఇండస్ట్రీలో హాట్ టాపిక్‌గా మారింది. పాన్ ఇండియా స్థాయి అంచనాలు ఉన్న ఈ ప్రాజెక్టులను ఎందుకు వదిలారు? రెమ్యునరేషన్ సమస్యా? డేట్స్ మేనేజ్‌మెంట్ కష్టమా? లేక సెట్స్‌పై వర్కింగ్ కండీషన్స్ సరిపోలలేదా? అని అభిమానులు సోషల్ మీడియాలో చర్చించారు.

ఈ నేపథ్యంలో, తాజాగా ఇచ్చిన Harper’s Bazaar ఇంటర్వ్యూలో దీపికా పరోక్షంగా కారణాలు వెల్లడించారు. ఆమె చెప్పిన మాటల్లోనే స్పష్టమైంది—ఇకపై 500-600 కోట్ల భారీ ప్రాజెక్టులు తనను ఆకర్షించవని,ఫేమ్, మనీ, సక్సెస్ కంటే ఆరోగ్యకరమైన వాతావరణం, మానసిక శాంతి, వ్యక్తిగత జీవితం బ్యాలెన్స్ చాలా ముఖ్యం అని.

దీపికా మాటల్లో:
“ఎక్కువ డబ్బు ఇస్తే చాలు అనుకునే కాలం పోయింది. భారీ సినిమాలు శారీరకంగా, మానసికంగా తీవ్ర ఒత్తిడి తెస్తాయి. ఆరోగ్యకరమైన వర్క్ ఎన్విరాన్‌మెంట్ లేకపోతే, ఎంత పెద్ద సినిమా చేసినా బెస్ట్ అవుట్‌పుట్ రాదు. రోజుకు 8 గంటలు పని చేస్తేనే మంచి ఫలితం వస్తుంది. మనం ఓవర్‌వర్క్‌ను నార్మలైజ్ చేసి, బర్న్‌అవుట్‌ను కమిట్‌మెంట్‌గా మిస్యిండర్‌స్టాండ్ చేస్తున్నాం.”

ఈ మాటలకు ప్రధాన కారణం:- సెప్టెంబర్ 2024లో కూతురు దువా కి జన్మనివ్వడంతో, దీపికా ఫోకస్ పూర్తిగా వర్క్-లైఫ్ బ్యాలెన్స్ మీదికి మారింది. ఇకపై ఆమె ఆరోగ్యం, కుటుంబం, మానసిక ప్రశాంతతకు అనుగుణంగా ఉన్న ప్రాజెక్టులే చేయాలని నిర్ణయించుకున్నారు. పాత్ర ప్రాధాన్యత, టీమ్‌తో కెమిస్ట్రీ కూడా ఇప్పుడు ఆమెకు సమానంగా ముఖ్యం.

ఇప్పటికే ‘స్పిరిట్’లో దీపికా స్థానంలో త్రిప్తి డిమ్రీ ఎంట్రీ ఇచ్చారు. ‘కల్కి 2’ రీప్లేస్‌మెంట్ మాత్రం ఇంకా అధికారికంగా ప్రకటించలేదు.

అయినా దీపికా ఖాళీగా లేరు. ప్రస్తుతం ఆమె చేతిలో ఉన్న భారీ ప్రాజెక్టులు—

• అల్లు అర్జున్ – అట్లీ కాంబో (AA22xA6)

• షారుక్ ఖాన్ ‘కింగ్’
  ఇలాంటి సినిమాల్లో కీలక పాత్రల్లో కనిపించబోతున్నారు.

దీపికా వ్యాఖ్యలు ఇప్పుడు బాలీవుడ్ నుంచి టాలీవుడ్ వరకు చర్చనీయాంశంగా మారాయి. ఇండస్ట్రీలో వర్క్ కల్చర్ మారాలని, ముఖ్యంగా మహిళలకు సపోర్టివ్ ఎన్విరాన్‌మెంట్ కావాలని ఆమె సందేశం స్పష్టం. ఇలాంటి నిర్ణయాలతో దీపికా మరింత స్ట్రాంగ్‌గా కనిపిస్తోంది – అభిమానులు కూడా ఆమెకు మద్దతుగా నిలుస్తున్నారు!

మీరు ఏమంటారు? దీపికా నిర్ణయం సరైనదేనా? కామెంట్ చేయండి!