బాలయ్య ‘అఖండ 2’ ను ఫేస్ చేయడానికి సిద్ధమైన అనుపమ!-రిలీజ్ డేట్, డిటైల్స్ ఇవే!

2025 అనేది అనుపమ పరమేశ్వరన్‌కు నిజంగా స్పెషల్ ఇయర్‌గా మారిపోయింది. ఈ మలయాళ బ్యూటీ ఈ సంవత్సరం చూపిస్తున్న జోరు చూస్తే, ఆమె కెరీర్ మరో లెవల్‌కి వెళ్లిందని చెప్పొచ్చు. ఇప్పటికే ఆమె నటించిన ఆరు సినిమాలు ప్రేక్షకుల ముందుకు వచ్చాయి. ఇప్పుడు ఆమె ఏడో సినిమా “లాక్‌డౌన్‌ కూడా రిలీజ్‌కు రెడీ అయిపోవడం అభిమానుల్లో మరోసారి హైప్‌ క్రియేట్ చేసింది.

లాక్‌డౌన్ – రిలీజ్ డేట్ ఫిక్స్!

అనుపమ లేటెస్ట్ మూవీ ‘లాక్‌డౌన్‌’ విడుదల తేదీని మేకర్స్ అధికారికంగా ప్రకటించారు. గతేడాది ప్రారంభమైన ఈ ప్రాజెక్ట్ కొన్ని కారణాల వల్ల కొంచెం లేట్ అయినా, ఇప్పుడు డిసెంబర్ 5, 2025 న ప్రేక్షకులను కలవడానికి సిద్ధమైంది. దీనికి సంబంధించిన ఫ్రెష్ పోస్టర్ కూడా రిలీజ్ చేశారు. సినిమా కథనం ప్రకారం లాక్‌డౌన్ కాలంలో ఒక అమ్మాయి పడిన మానసిక ఒత్తిడి, భయం, ఒంటరితనం చుట్టూ తిరుగుతుందట. అనుపమ ఎమోషనల్ సీన్స్‌లో బాగా కన్విన్స్ చేసే నటి కాబట్టి, ఈ పాత్రలో ఆమె మరోసారి గట్టి ఇంపాక్ట్ ఇవ్వడం ఖాయం.

థ్రిల్లర్ టచ్‌తో ఏఆర్ జీవా డైరెక్షన్:

‘లాక్‌డౌన్‌’కి  “ఏఆర్ జీవా”  దర్శకత్వం వహించడం స్పెషల్. ఆయనకి ఇది తొలి సినిమా అయినా, కథను రియలిస్టిక్‌గా, థ్రిల్లర్ టచ్‌తో చూపించారని సమాచారం. ఈ చిత్రంలో అనుపమతో కలిసి చార్లీ, నిరోషా, ప్రియా వెంకట్, లివింగ్ స్టన్, ఇందుమతి, రాజ్‌కుమార్ వంటి పలువురు నటులు నటించారు. ఇంత విభిన్నమైన కాస్ట్ ఉండటం సినిమాలో డ్రామా, ఇంటెన్సిటీ పెరుగుతాయన్న మాట.

అనుపమ వరుస హిట్స్‌తో ఫుల్ స్పీడ్:

అనుపమ 2025లో అన్ని భాషలలోనూ తన ప్రెజెన్స్‌ చూపిస్తోంది.
ఈ ఏడాది ఇప్పటికే ఆమె నటించిన సినిమాలు...!
  • డ్రాగన్ (తమిళం)

  • బైసన్ (తమిళం)

  • జేఎస్కే: జనకి వి  vs స్టేట్ ఆఫ్ కేరళ (మలయాళం)

  • ది పెట్ డిటెక్టివ్ (మలయాళం)

  • పరదా (తెలుగు)

  • కిష్కింధపురి (తెలుగు)

ఈ లిస్ట్‌ చూస్తేనే ఆమె ఎంత రేంజ్‌లో బిజీగా ఉందో అర్థమవుతుంది. ఇప్పుడు “లాక్‌డౌన్‌” తో ఆమె ఏడో సినిమా కూడా రిలీజ్ కానుండటంతో, 2025లో ఎక్కువ సినిమాలు రిలీజ్‌ చేసిన హీరోయిన్ పేరుతో కూడా ఆమె ట్రెండ్‌లో నిలవొచ్చు.

రిస్కీ రిలీజ్ – బాలయ్యతో నేరుగా పోటీ..

‘లాక్‌డౌన్‌’ డిసెంబర్ 5న రానుండగా, అదే రోజు బాలయ్య నటించిన ‘అఖండ 2’ కూడా థియేటర్లలోకి దిగుతుంది. ‘అఖండ’ ఫ్రాంచైజ్‌కి ఉన్న క్రేజ్‌ వేరే లెవల్‌లో ఉండటం వల్ల, ‘లాక్‌డౌన్‌’కి తెలుగులో కాస్త కఠినమైన పోటీ ఇవ్వడం ఖాయం.
అయినా కూడా అనుపమ పర్‌ఫార్మెన్స్-బేస్డ్ మూవీస్‌కి మంచి ప్రేక్షకులు ఉంటారు కాబట్టి, ఓ వర్గం మాత్రం ఈ సినిమాకు తప్పక వెళ్తారు.

తమిళంలో అయితే  హీరో “కార్తి” కొత్త చిత్రం ‘వా వాత్యార్’  (Vaa Vaathiyaar)రానుంది. అంటే ఈ సినిమా రెండు భాషల్లోను పెద్ద సినిమాలతోనే పోటీ పడబోతోంది.

 

అనుపమ కెరీర్ గ్రాఫ్ పైకి పైకి…!

అనుపమ ఈ ఏడాది తీసుకున్న సినిమాలన్నీ వేర్వేరు జానర్లలో ఉండటం ఆమె నటిగా ఎంత ఎక్స్‌పెరిమెంట్ చేస్తుందో చూపిస్తుంది. పాన్-ఇండియా ఆడియన్స్‌ని కూడా ఇప్పుడు ఆమె ఆకర్షిస్తోంది. ‘లాక్‌డౌన్‌’ కథ ఎమోషనల్‌, థ్రిల్లర్‌, రియలిస్టిక్ టచ్ కలిపి ఉండడం వల్ల, అనుపమ ఫ్యాన్స్‌కి ఇది మరో మంచి సినిమా అవుతుంది.

“లాక్‌డౌన్‌” బాక్సాఫీస్‌లో ఎలా పర్ఫార్మ్ చేస్తుందో ఇప్పుడే చెప్పడం కష్టం. అదే రోజు పెద్ద సినిమాలు అయిన ‘అఖండ 2’ మరియు తమిళ చిత్రం ‘వా వాత్యార్’ వస్తున్నా, అనుపమకు ఉన్న క్రేజ్‌ వల్ల ఓ మంచి ఓపెనింగ్ వచ్చే అవకాశం ఉంది. కానీ సినిమా నిజంగా ఎంత కలెక్ట్ చేస్తుంది, ప్రేక్షకులు ఎ సినిమాకి ఎలా రిస్పాండ్ అవుతారు అన్నది మాత్రం డిసెంబర్ 5 వచ్చేవరకు వేచి చూడాల్సిందే.