ఐబొమ్మ పైరసీ కింగ్‌పిన్ ఇమ్మడి రవి అరెస్ట్… బయటపడ్డ సంచలన వివరాలు…
ఐ బొమ్మ పైరసీ వెబ్‌సైట్ ఐ బొమ్మను నడిపిస్తున్న నిర్వాహకుడు ఇమ్మడి రవిని హైదరాబాద్ పోలీసులు అరెస్టు చేశారు. కొన్ని నిమిషాల్లోనే కొత్త సినిమాలు, OTT కంటెంట్‌ను పైరసీ చేసి తన వెబ్‌సైట్లో అప్లోడ్ చేస్తున్న రవి కోసం పోలీసులు చాలా రోజులుగా నిఘా ఏర్పాటు చేశారు.
సినిమా పైరసీలో అసలు ముఠా ఎవరు, ఇది ఎలా నడుస్తుంది అనే దానిపై తెలంగాణ ప్రభుత్వం ప్రత్యేక దృష్టి పెట్టింది. తాజాగా రవి కూకట్పల్లి ప్రాంతంలోని ఒక ప్లాట్‌లో ఉన్నట్టు తెలిసిన తరువాత, పోలీసులు అక్కడికి వెళ్లి రవిని అరెస్ట్ చేశారు. అతని వద్ద ఉన్న ల్యాప్‌టాప్‌లు, మొబైల్ ఫోన్లు, హార్డ్‌డిస్కులు, సర్వర్ యాక్సెస్ పాస్‌వర్డ్స్‌ను పోలీసులు స్వాధీనం చేసుకున్నారు. అరెస్ట్ తర్వాత నాంపల్లి కోర్టుకు తీసుకెళ్లిన రవిపై పలు కేసులు నమోదు చేశారు.
ఈ చర్యతో తెలుగు సినీ పరిశ్రమలో ఉత్సాహం నెలకొంది. ఎందుకంటే, ఐ బొమ్మ మరియు బయప్పం లాంటి సైట్లు గత కొన్ని సంవత్సరాలుగా భారీగా పైరసీ చేయడం వల్ల నిర్మాతలకు వందల కోట్ల నష్టం వాటిల్లిందని పరిశ్రమ ప్రతినిధులు చాలాసార్లు పేర్కొన్నారు. సీపీ సజ్జనార్ వెల్లడించిన షాకింగ్ వివరాల ప్రకారం రవి ఐ బొమ్మ ప్రధాన సైట్‌తో పాటు 65 కంటే ఎక్కువ సైట్లు నడుపుతున్నాడు. ఈ సైట్లన్నింటిలో కలిపి 21,000కి పైగా సినిమాలు అప్లోడ్ చేశాడు. తెలుగు, తమిళం, హిందీ, మలయాళం, కన్నడ, అంతేకాదు కొరియన్, హాలీవుడ్ సినిమాలు కూడా భారీగా చేశాడు. ప్రతీ సినిమా రీలీజ్‌కి గంటలోపు దొంగిలించి అప్లోడ్ చేసే ప్రత్యేక టీమ్‌ను కూడా నియమించుకున్నాడు. సైట్ల ద్వారా వచ్చే ట్రాఫిక్‌పై పెద్దగా పట్టు సాధించి, రోజూ లక్షల డౌన్లోడ్ నమోదు అయ్యేవి.
ఐ బొమ్మ సైట్‌లో సినిమాలు డౌన్లోడ్ చేయడానికి వెళ్లిన యూజర్లు మధ్యలో వంటి బెట్టింగ్ యాప్ అడ్స్ వస్తాయి. ఈ బెట్టింగ్ యాప్‌లు రవికి కోట్ల రూపాయల్లో అడ్వర్టైజింగ్ డబ్బు చెల్లించాయి. APK ఫైళ్ళ ద్వారా యూజర్ల ఫోన్లలో వ్యక్తిగత డేటా, కాంటాక్ట్స్,మెసేజ్లు, వంటి వివరాలు సేకరించాడు. మొత్తం మీద 50 లక్షల మంది వ్యక్తిగత డేటా రవి చేతుల్లోకి వెళ్లినట్టు పోలీసులు వెల్లడించారు. ఐబొమ్మ సైట్లు మాత్రమే కాకుండా, రవి టెలిగ్రామ్ ఛానళ్లను కూడా ఉపయోగించినట్టు గుర్తించారు. టెలిగ్రామ్‌లో 4–5 ప్రధాన ఛానళ్లను నడిపేవాడని తెలిసింది. అందులో వుండే సభ్యుల సంఖ్య లక్షల్లో వున్నారని సమాచారం. సినిమాల మొత్తం ఫైళ్లను డైరెక్ట్‌గా ఛానళ్ల్లో షేర్ చేసేవాడు. ఈ ఛానళ్ల ద్వారా కూడా అడ్స్, ట్రాఫిక్ ద్వారా ఆదాయం పొందేవాడు. పోలీసులు ఇప్పుడు ఆ ఛానళ్లపై కూడా ప్రత్యేక దర్యాప్తు చేస్తున్నారు.