ఆ స్టార్ హీరో సినిమా వల్లనే టాలీవుడ్కు దూరమయ్యాను… రకుల్ షాకింగ్ కామెంట్స్ వైరల్.
బాలీవుడ్లో వరుస ప్రాజెక్టులతో బిజీగా ఉన్న రకుల్ ప్రీత్ సింగ్, ఇటీవల ఇచ్చిన ఇంటర్వ్యూలో టాలీవుడ్పై తన అనుభవాలను నిజాయితీగా పంచుకుంది. కొన్నేళ్ల పాటు తెలుగు ఇండస్ట్రీలో స్టార్ హీరోలందరితో పనిచేసి స్టార్ హీరోయిన్ గా సూపర్ క్రేజ్ సంపాదించిన రకుల్, తొలిసారి తాను టాలీవుడ్కు దూరం కావడానికి కారణం ఏంటో వెల్లడించింది.
వెంకటాద్రి ఎక్స్ప్రెస్, లౌక్యం, కరెంట్ తీగ, సరైనోడు, ధ్రువ, నాన్నకు ప్రేమతో, జయ జానకి నాయక వంటి సినిమాలతో వరుసగా హిట్లు కొట్టి.. రామ్ చరణ్, ఎన్టీఆర్, అల్లు అర్జున్, రవితేజ, మహేష్ బాబు వంటి స్టార్ హీరోల పక్కన నటించి ఆమెను చాలా తక్కువ టైంలో టాప్ హీరోయిన్ రేంజ్కు తీసుకెళ్లాయి… కానీ ఆ హవా అంత ఒక్క సినిమా ఫ్లాప్ తో ఒక్కసారిగా మారిపోయింది. ఆ కారణం ఏమిటో ఇప్పుడు రకుల్ స్వయంగా చెప్పేశారు.

ఇటీవల ఓ ఇంటర్వ్యూలో రకుల్ ఆశ్చర్యపరిచే విషయాలు వెల్లడించారు. టాలీవుడ్లో నాకు వరుసగా 8-9 హిట్లు వచ్చాయి. తెలుగు ప్రేక్షకులే నాకు గుర్తింపు ఇచ్చారు. కానీ మహేశ్ బాబు మరియు ఏఆర్ మురుగదాస్ కాంబినేషన్లో భారీ అంచనాలతో చేసిన స్పైడర్ నా కెరీర్లో అతి పెద్ద డిజాస్టర్ అయింది.
ఆ సినిమా ఫెయిల్యూర్ నన్ను మానసికంగా చాలా కుంగదీసింది. ఇండస్ట్రీలో వచ్చిన నెగెటివ్ ఎనర్జీ, సోషల్ మీడియాలో వచ్చిన విమర్శలు… నేను ఊహించిన దానికంటే ఎక్కువ దెబ్బ తీశాయి. అందుకే ఆ సమయంలో తెలుగు సినిమాల నుంచి దూరమయ్యాను. స్పైడర్ తర్వాత వచ్చిన కొన్ని మంచి అవకాశాలను కూడా నేనే తిరస్కరించాను అని రకుల్ బహిరంగంగా చెప్పారు. ఈ కారణం తోనే స్క్రిప్ట్ సెలెక్షన్లో మరింత జాగ్రత్తగా ఉండాలని నిర్ణయించుకుని, బాలీవుడ్లోకి మరింత ఫోకస్ మార్చిందని తెలిపింది.

స్టార్ హీరోల గురించి రకుల్ చెప్పిన విశేషాలు ఏంటంటే:
ఎన్టీఆర్: సహజ నటుడు. రిహార్సల్స్ అవసరం లేకుండా కాంప్లికేటెడ్ స్టెప్స్ను కూడా చటుక్కున నేర్చుకుంటారని రకుల్ చెప్పింది.
అల్లు అర్జున్: ఇండస్ట్రీని ఇంటర్నేషనల్ లెవెల్కు తీసుకెళ్లాలనే విజన్ ఉన్న హీరోగా బన్నీని పొగిడింది.
రామ్ చరణ్: ఎంత పెద్ద స్టార్ అయినా సెట్లో చాలా హాయిగా, సింపుల్గా ఉంటారని చెప్పింది.
మహేశ్ బాబు: కుటుంబానికి ఎంతో విలువ ఇస్తారు. పిల్లలతో ఆయన ప్రవర్తన చూస్తేనే ఆయన మనసు ఎంత గొప్పదో అర్థమవుతుంది. కెరీర్-ఫ్యామిలీ రెండింటినీ అద్భుతంగా బ్యాలెన్స్ చేస్తారాని చెప్పింది.
ప్రస్తుతం బాలీవుడ్ సినిమాలు మరియు OTT ప్రాజెక్టులతో దూసుకెళ్తున్న రకుల్ మళ్లీ టాలీవుడ్లో కనిపిస్తారా అనేది రకుల్ అభిమానులు మరియు సినిమా ప్రేక్షకులందరూ ఎదురుచూస్తున్న ప్రశ్న.

