NTR అందుకే దేవర పార్ట్-2 నుంచి దూరంగా ఉంటున్నాడా? ఇదే లేటెస్ట్ ఇన్‌సైడ్ టాక్…
జూనియర్ ఎన్టీఆర్ హీరోగా, కొరటాల శివ దర్శకత్వంలో వచ్చిన దేవర పార్ట్-1 27 సెప్టెంబర్ 2024న ప్రపంచవ్యాప్తంగా గ్రాండ్‌గా విడుదలైంది. ఎన్టీఆర్ పవర్‌ఫుల్ మాస్ రోల్, సైఫ్ అలీ ఖాన్ విలన్‌గా, జాన్వీ కపూర్ హీరోయిన్‌గా నటించారు. అద్భుతమైన యాక్షన్, బీచ్ బ్యాక్‌డ్రాప్, అనిరుద్ మ్యూజిక్ అన్ని కలిసి సినిమా మంచి హైప్ తెచ్చుకుంది. బాగానే వసూలు రాబట్టింది.
దేవర పార్ట్-1 మంచి విజయం సాధించినప్పటికీ ప్రస్తుతం వస్తున్న టాలీవుడ్ ఇండస్ట్రీ వర్గాల సమాచారం ప్రకారం దేవర పార్ట్-2 సినిమా మీద పెద్ద అనుమానాలే మొదలు అయ్యాయి. జూనియర్ ఎన్టీఆర్ కు ఈ ప్రాజెక్ట్‌ను కొనసాగించాలనే ఆసక్తి తగ్గింది అనేది ఇండస్ట్రీ టాక్. హీరో బిజీ షెడ్యూల్, కథాంశం మరియు క్రియేటివ్ విషయాల్లో భిన్నాభిప్రాయాలు ఉండడం తో దేవర రెండో భాగాన్నిసందేహంలో పడేశాయి.
ప్రధానంగా ఎన్టీఆర్‌కు ఇటీవల విడుదలైన వార్ -2 కు వచ్చిన ఉహించని స్పందన కారణంగా, ఆయన కొత్త స్క్రిప్టుల విషయంలో మరింత జాగ్రత్తగా సెలెక్ట్ చేసుకుంట్టునాడు అంటూ ఇండస్ట్రీ టాక్ వినిపిస్తోంది. ఈ నేపథ్యంలోనే దేవర 2 పై ముందుకు సాగడంలో ఆయన కొంత వెనుకంజ వేస్తున్నారని తెలుగు సినీ వర్గాలు చెబుతున్నాయి.
ఇక మరోవైపు Jr. NTR , ప్రశాంత్ నీల్ దర్శకత్వంలో డ్రాగన్ తరువాత త్రివిక్రమ్, నెల్సన్ సినిమాలు వరుసగా ప్లాన్ అయి ఉండటంతో దేవర 2 కోసం అవసరమైన తేదీలను కేటాయించడం ఎన్టీఆర్‌కు కష్టమవుతోందనే సమాచారం బయటకు వస్తోంది. దీంతో పాటు దాదాపు రెండేళ్లుగా దేవర సీక్వెల్ కోసం కష్టపడి పని చేస్తున్న దర్శకుడు కొరటాల శివ కొంత నిరాశ మిగిలింది అన్న వార్తలు కూడా టాలీవుడ్‌లో బాగా వినిపిస్తున్నాయి.
ఈ నేపథ్యంలో Jr. NTR అభిమానుల్లో కూడా తీవ్ర చర్చ నడుస్తోంది. కొందరు ఇంకా ఆశతో ఎదురు చూస్తుంటే, మరికొందరు సీక్వెల్ చేయాలంటే కథ మరింత బలంగా ఉండాలని సూచిస్తున్నారు. అయితే ఇప్పటి వరకు అధికారికంగా సినిమా టీమ్ నుంచి స్పందన రాలేదు.