డేటింగ్ గాసిప్స్‌పై రామ్ స్పందన… కెరీర్ స్టార్ట్‌లో వచ్చిన ట్యాగ్ గురించి ఆసక్తికర వ్యాఖ్యలు.
రామ్ పోతినేని హీరోగా మరియు భాగ్య శ్రీ బోర్సే నటించిన ఆంధ్ర కింగ్ తాలూకా సినిమా నవంబర్ 27న థియేటర్లలో విడుదల అవుతోంది. పి. మహేష్‌బాబు దర్శకత్వంలో తెరకెక్కిన ఈ మూవీలో రామ్ ఒక స్టార్ హీరోకు డై-హార్డ్ ఫ్యాన్‌గా కనిపించబోతున్నారు. ప్రమోషన్స్‌లో భాగంగా రామ్ ఒక్కసారిగా ఓపెన్ అయిపోయాడు. తన రియల్ లైఫ్ అనుభవాలు, గతంలో తన గురించి వచ్చిన రూమర్లు, ఇప్పటిదాకా ఎవరికీ చెప్పని వ్యక్తిగత విషయాలు ఒక్కొక్కటిగా బయటపెట్టేశాడు.
యాంకర్ మీరు డేటింగ్ లో ఉన్నారా? అనే ప్రశ్నకి రామ్ నవ్వుతు సినిమా కోసం నేను ఒక పాటని రాసాను. ఆ పాట రాసినప్పటి నుంచే రూమర్స్ మొదలయ్యాయి. మనసులో ఏదైనా ఉంటేనే ఇంత ఫీల్‌తో రాస్తారు అని అనుకున్నారు. కానీ నేను ఏ హీరోయిన్ లేదా ఏ వ్యక్తిని దృష్టిలో పెట్టుకుని కాదు… సినిమా పాత్రలను ఊహించుకుని లిరిక్స్ రాసాను. ఆ సమయానికి హీరోయిన్ కూడా ఫిక్స్ కాలేదు అని చెప్పారు. దీనితో భాగ్య శ్రీ ఉన్న రూమర్స్ కి పులిస్టాప్ పడింది.
మీకు ఇష్టం ఐన హీరో ఎవరు అని అడగ్గా… నేను చిన్నపటినుండి చెన్నై లో పెరిగా, అ టైం లో నాకు సూపర్ స్టార్ రజినీకాంత్ అంటే చాల ఇష్టం అని చెప్పుకొచ్చాడు రామ్. అప్పుడు గతాన్ని గుర్తుకు చేసుకున్నట్టు బాషా సినిమా 100వ రోజుకి కూడా టికెట్లు దొరకడం చాలా కష్టమైంది. చివరి నిమిషంలో రెండు టికెట్స్ దొరక్కపోతే సినిమా మిస్ అయ్యేవాళ్ళం. థియేటర్‌లో రజినీకాంత్ చెప్పే ఒక్కో డైలాగ్‌కి అభిమానులు గోల చేసేవారు . ఆ అనుభవం నాకు స్ఫూర్తి, అని రామ్ అన్నారు. ఎవరైనా విజయం సాధించాలంటే రెండు లక్షణాలు తప్పనిసరి.. పని మీద శ్రద్ధ, దానికోసమే పుట్టామనే కష్టపడే మనస్తత్వం ఇవి ప్రతి మనిషిలో ఉండాలి నాలో కూడా ఉన్నాయి. అందుకే ఒకరోజు విజయం ఖచ్చితంగా వస్తుందనే నమ్మకం ఉంది అన్నారు.
హీరో పేరు ముందు ఉండే ట్యాగ్ గురించి అడగ్గా…ఇండస్ట్రీలోకి కొత్తగా వచ్చినప్పుడు ఒక ట్యాగ్ ఇచ్చారు. ఆ ట్యాగ్‌తో వరసగా నాలుగు పోస్టర్లు కూడా వచ్చాయి. కానీ నాకు కొంచెం సిగ్గుగా అనిపించి, దాన్ని పోస్టర్స్ మీద రాకుండా ఆపాను. తర్వాత ఆ ట్యాగ్‌ను మరో హీరో తీసుకున్నాడు. ఏ ట్యాగ్ అనేది ఇప్పుడు చెప్పలేను, అని నవ్వుతూ రామ్ అన్నాడు. ఇదే ఇంటర్వ్యూలో డబుల్ ఇస్మార్ట్ సినిమా రిజల్ట్‌పై రామ్ మాట్లడుతూ… మంచి కథ ఉన్నప్పటికీ, సినిమా ప్రేక్షకులను ఆశించిన స్థాయిలో ఆడ లేదు అని చెప్పాడు. కానీ ఆంధ్ర కింగ్ తాలూకా బాగా ఆడి ప్రేక్షలకి నచ్చుతుంది. అంటూ ఇంటర్వ్యూ ముగించేసాడు. నవంబర్ 27 విడుదల కానున్న ఆంధ్ర కింగ్ తాలూకా మూవీ రామ్ అభిమానులకు ఎలాంటి రిజల్ట్‌ ఇస్తుందో చూడాలి.