ధనుష్–మృణాల్ అఫైర్ నిజమేనా? ఒక్క కామెంట్‌తో సోషల్ మీడియా అంత షాక్…
సినిమా పరిశ్రమలో స్టార్ల మధ్య డేటింగ్ గాసిప్స్, అఫైర్ రూమర్స్ ఎప్పటినుంచో ఉన్నవే. కానీ టాప్ హీరో-హీరోయిన్ల పేర్లు వినిపిస్తే మాత్రం ఫ్యాన్స్‌లో క్యూరియాసిటీ ఒక్కసారిగా పెరిగిపోతుంది. ఇప్పుడు టాలీవుడ్ మరియు బాలీవుడ్ సర్కిల్స్‌లో అత్యంత హాట్ టాపిక్‌గా మారిన రూమర్… ధనుష్ – మృణాల్ థాకూర్ మధ్య అఫైర్. ఇద్దరూ ఒకరికొకరు చాలా దగ్గరైపోయారన్న టాక్ గత కొంతకాలంగా వినిపిస్తూనే ఉంది. ముఖ్యంగా ఓ హిందీ ఈవెంట్‌లో మృణాల్ ధనుష్‌ను గట్టిగా హత్తుకుని ఓదార్చిన వీడియో వైరల్ కాగానే వీళ్ల మధ్య ఏదో స్పెషల్ ఉంది అన్న సందేహం మరింత బలపడింది.ధనుష్ పర్సనల్ లైఫ్ గురించి అందరికీ తెలిసిందే. ఐశ్వర్యతో విడాకుల తర్వాత ఆయన ఇప్పుడు సింగిల్‌గానే ఉన్నారు. అందుకే ఆయన ఎవరితోనైనా సన్నిహితంగా కనిపిస్తే వెంటనే లవ్ రూమర్స్ మొదలవుతున్నాయి. ఇలాంటి నేపథ్యంలోనే తాజాగా మృణాల్ థాకూర్ తన కొత్త హిందీ సినిమా “దో దీవానే షహర్ కే” ఫస్ట్ లుక్, టీజర్‌ను ఇన్‌స్టాగ్రామ్‌లో పోస్ట్ చేసింది. సిద్ధార్థ్ చతుర్వేది హీరోగా నటిస్తున్న ఈ చిత్రం పోస్ట్‌పై ధనుష్ స్పెషల్ రియాక్షన్ ఇచ్చాడు.
మృణాల్ పోస్ట్‌ను లైక్ చేయడం మాత్రమే కాదు, ఓపెన్‌గానే కామెంట్ కూడా పెట్టాడు ..”నువ్వు ఈ సినిమా చేస్తున్నావని తెలిసి నాకు చాలా సంతోషంగా ఉంది” అంటూ హార్ట్ మరియు సన్‌ఫ్లవర్ ఎమోజీలతో సహా రాసాడు. ఈ ఒక్క కామెంట్‌తోనే సోషల్ మీడియా మళ్లీ వేడెక్కిపోయింది. ఇద్దరూ డేటింగ్‌లో ఉన్నారు అంటూ, ధనుష్ ఇలా ఓపెన్‌గా కామెంట్ పెట్టడం ఫస్ట్ టైమ్ అని ఫ్యాన్స్ కామెంట్స్ తో సోషల్ మీడియా పోస్ట్ వైరల్ అయింది. మరి ఈ రూమర్ నిజమేనా? లేక సినిమా ప్రమోషన్ స్టంట్‌నా? ఏది ఏమైనా… ధనుష్ – మృణాల్ జోడీ పేరు ఇప్పుడు హాట్ టాపిక్‌గా మారిపోయింది. ఇదిలా ఉంటే, ధనుష్ కెరీర్‌లో మరో కీలక చిత్రం “తేరే ఇష్క్ మే” ఈ నెల 28న గ్రాండ్ రిలీజ్ కానుంది. “రాంజ్నా” తర్వాత అదే దర్శకుడు ఆనంద్ ఎల్. రాయ్‌తో రీయూనియన్ కావడంతో ఈ సినిమాపై అంచనాలు ఎక్కువ గా ఉన్నాయ్.