నాగచైతన్య కొత్త సినిమా టైటిల్ ఏంటో తెలుసా? ఫస్ట్ లుక్ చూసి మహేష్ బాబు ఏమన్నారంటే..

అక్కినేని నాగచైతన్య పుట్టినరోజు సందర్భంగా చైతు నటిస్తున్న కొత్త సినిమాకు సంబంధించిన ఫస్ట్ లుక్ పోస్టర్ ఈరోజు విడుదలైంది. ఈ పోస్టర్‌ను స్వయంగా సూపర్ స్టార్ మహేశ్ బాబు రిలీజ్ చేశారు అలానే ఈ  పోస్టర్ ను సోషల్ మీడియాలో అప్లోడ్ చేయడం జరిగింది. NC24 వర్కింగ్ టైటిల్‌తో ఇన్ని రోజులు షూటింగ్ జరుపుకున్న మూవీకి ‘వృషకర్మ’ అనే టైటిల్‌ను ఫైనల్ చేసినట్టు టీం ప్రకటించింది. ఇది చైతూ ఇప్పటివరకు చేయని మైథలాజికల్ థ్రిల్లర్ జానర్‌గా చెప్పుకుంటున్నారు.

ఈ సినిమా కోసం హైదరాబాదులో ప్రత్యేకంగా ఒక భారీ గుహ సెట్ను నిర్మించారు. అక్కడే చాలావరకు షూటింగ్ జరిగింది. ఫస్ట్ లుక్ పోస్టర్‌లో రిలీజ్ డేట్ ప్రస్తావన లేకపోవడం వల్ల ఇండస్ట్రీ టాక్ ప్రకారం ఈ మూవీ ఈ ఏడాది థియేటర్లకు వచ్చే ఛాన్సులు తక్కువగా ఉన్నాట్టు తెలుస్తుంది. అయినా, ఇది చైతూ కెరీర్‌లోనే అత్యధిక బడ్జెట్ మూవీ కావడంతో అభిమానుల్లో భారీగా హైప్ క్రియేట్ అవుతోంది.