ఇది నిజంగా ప్రభాస్ ఏనా? ది రాజా సాబ్ ఫస్ట్ సింగిల్ అప్డేట్…

రెబల్ స్టార్ ప్రభాస్ ప్రధాన పాత్రలో రూపొందుతున్న హారర్, కామెడీ ది రాజా సాబ్  పై అభిమానుల్లో అంచనాలు రోజు రోజుకి పెరుగుతున్నాయి. మారుతి దర్శకత్వం వహిస్తున్న ఈ చిత్రం సంక్రాంతి సీజన్‌లో భారీగా ప్రేక్షకుల ముందుకు రానుంది. తాజాగా సినిమా టీమ్ ఫస్ట్ సింగిల్ పోస్టర్‌ను విడుదల చేసి డార్లింగ్ ఫ్యాన్స్‌కి మరింత హైప్ తీసుకొచ్చింది.

సాంగ్ థీమ్‌కి తగ్గట్టుగా స్టెప్ చేస్తూ, క్రౌడ్‌తో కలిసి జోష్‌గా ఎంజాయ్ చేస్తున్న లుక్ ఫ్యాన్స్‌ని మొత్తం ఆకట్టుకుంటోంది. బ్యాక్‌గ్రౌండ్‌లో ఉన్న డ్యాన్సర్లు జోష్‌తో స్టెప్స్ వేస్తూ, బ్యాండు వాయిద్యాల శబ్దంతో పాటకు పక్కా మాస్ ఎంటర్‌టైన్‌మెంట్ వైబ్ తీసుకొచ్చారు. నవంబర్ 23న ఫస్ట్ సింగిల్ రిలీజ్ అంటు పోస్టర్‌ను విడుదల చేసిన మేకర్స్..  మ్యూజిక్ డైరెక్టర్ తమన్ కంపోజ్ చేసిన ఈ ఫస్ట్ సింగిల్  ఈ ఆదివారం రిలీజ్ అవుతుందని అనౌన్స్ చేశారు. మన డార్లింగ్ పీక్ ఫామ్‌తో నవంబర్ 23ని పండగలా మార్చేస్తాడు అంటూ క్యాప్షన్  కూడా ఇచ్చారు. ప్రభాస్ ఫ్యాన్స్ కి ఈ నవంబర్ 23 నిజంగానే ఒక పండగ రోజు అవుతుందనడంలో ఎలాంటి సందేహం లేదు.