“డ్రోన్ షోతో పండుగలా మారిన అంధ్రా కింగ్ తాలూకా ఈవెంట్ – ట్రైలర్‌పై భారీ స్పందన!”

రామ్ పోతినేని హీరోగా, పీ. మహేష్ బాబు దర్శకత్వంలో రూపొందుతున్న “అంధ్రా కింగ్ తాలూకా ” ఈ నెల 27న ప్రేక్షకుల ముందుకు రానుంది. ఉపేంద్ర కీలక పాత్రలో నటిస్తుండగా, భాగ్యశ్రీ బోర్సే హీరోయిన్‌గా కనిపిస్తుంది. రిలీజ్ ముందు భాగంగా కర్నూల్‌లో ట్రైలర్ లాంచ్ ఈవెంట్‌ను అత్యంత ఘనంగా నిర్వహించారు. ఈ కార్యక్రమానికి హాజరైన అభిమానుల హోరెత్తించే జోష్ వేదిక మొత్తాన్ని పండుగలా మార్చింది.

ఈ ఈవెంట్‌లో ప్రత్యేకంగా డ్రోన్లను ఉపయోగించి భారీ డ్రోన్ షోను కూడా ఏర్పాటు చేయడం ప్రేక్షకులకి ప్రధాన ఆకర్షణగా నిలిచింది. తెలుగు ప్రీ-రిలీజ్ ఈవెంట్‌లలో ఇలాంటి భారీ డ్రోన్ షో చూడడం అభిమానులకు కొత్త అనుభవాన్ని ఇచ్చింది. రామ్ పోతినేని ఎంట్రీ నుంచే వేదికపై మాస్ ఎనర్జీ మరింత పెరిగి “అంధ్రా కింగ్ తాలూకా” అంటూ నిండిపోయింది.

ఈ కార్యక్రమంలో విడుదలైన ట్రైలర్ సినిమా మీద ఉన్న ఆసక్తిని ఇంకాస్త పెంచింది. ట్రైలర్‌లో రామ్ పోతినేని “సాగర్”గా కనిపిస్తూ, తనకు ఇష్టమైన హీరో సూర్య (ఉపేంద్ర) పట్ల ఉన్న అభిమానంతో జీవించే యువకుడి భావాల్ని చూపించారు. ఈ అభిమానమే అతని ప్రవర్తన, నిర్ణయాలు, సంబంధాలను ఎలా మార్చుతుందో కథ సూచిస్తుంది. భాగ్యశ్రీ తో ఉన్న ప్రేమసన్నివేశాలు కథకు ఒక అందమైన కోణాన్ని జోడించాయి. మురళీ శర్మ పాత్రలో వచ్చే భావోద్వేగమైన సన్నివేశాలు ట్రైలర్‌కు మంచి బలం ఇచ్చాయి.

సిద్ధార్థ నుని  సినిమాటోగ్రఫీ, వివేక్–మెర్విన్ ఆకట్టుకునే సంగీతం, మైత్రీ మూవీ మేకర్స్ అధిక నిర్మాణ విలువలు—ఇవి అన్నీ కలిపి సినిమాకు ఒక గ్రాండ్, రిచ్ లుక్‌ను తీసుకొచ్చాయి. రామ్ పోతినేని ఎనర్జిటిక్ పెర్ఫార్మెన్స్, ఉపేంద్ర  స్క్రీన్ ప్రెజెన్స్, కథలో ఉన్న ఫ్యాన్‌మానియా ఇవి కలిసి ఈ చిత్రంపై ప్రేక్షకుల్లో ఆసక్తిని మరింతగా పెంచుతున్నాయి.

సినిమా విడుదల తేదీ విషయానికి వస్తే, మొదట నవంబర్ 28న రావాల్సి ఉండగా, మేకర్స్ ఒక రోజు ముందుకు మార్చి నవంబర్ 27 గురువారం ప్రపంచ వ్యాప్తంగా విడుదల చేయాలని నిర్ణయించారు. ఇలా చేయడంతో వీకెండ్‌లో సినిమా ఇంకా ఒక రోజు ఎక్కువ ప్రయోజనం పొందుతుంది. అలాగే ఇతర పెద్ద సినిమాలతో పెద్దగా పోటీ లేకపోవడం కూడా మేకర్స్‌కి అదనపు లాభంగా మారింది. వారు షేర్ చేసిన అప్‌డేట్‌లో “Celebrations begin one day in advance! Andhra King Taluka releasing worldwide on November 27th” అని తెలియజేశారు.

మొత్తం ట్రైలర్ చూస్తే, “అంధ్రా కింగ్ తలుకా”  ఉత్సాహం, భావోద్వేగం, మాస్ ఎనర్జీ కలిపిన ఒక పక్కా ఎంటర్‌టైనర్‌గా కనిపిస్తుంది. రామ్ పోతినేని కొత్తగా కనిపించే తీరు, ఉపేంద్ర ముఖ్య పాత్ర, భాఘ్యశ్రీ తో ఉన్న ప్రేమ ట్రాక్  అన్ని కలిపి  సినిమా మీద ప్రేక్షకుల్లో మంచి ఆసక్తి పెంచుతున్నాయి.