ధండోరా’ టీజర్ రివ్యూ – హృదయానికి హత్తుకునే సామాజిక డ్రామా
తెలుగు సినిమా
“ధండోరా” ను దర్శకుడు మురళీకాంత్ దేవాసోత్ రూపొందిస్తున్నారు. ఈ చిత్రంలో శివాజీ, నవదీప్, నందు, బిండు మాధవి, రవి కృష్ణ, మనిక, మౌనికా రెడ్డి, రాధ్యా, మురళీధర్ గౌడ్ తదితరులు ప్రధాన పాత్రల్లో కనిపించబోతున్నారు. ప్రతీ పాత్రకూ ప్రత్యేకమైన ప్రాధాన్యత ఉండేలా చిత్రాన్ని రూపొందిస్తున్నట్లు టీమ్ తెలిపింది.
సినిమాకు సంగీతం మార్క్ కె. రాబిన్ అందించగా, సినిమాటోగ్రఫీ బాధ్యతలను వెంకట్ ఆర్. శకమురి నిర్వహించారు. చిత్రానికి ఎడిటింగ్‌ను సృజన ఆదుసుమల్లి హ్యాండిల్ చేశారు. నిర్మాణంలో రవీంద్ర బెనర్జీ ముప్పనేని ఈ ప్రాజెక్ట్‌కు బలమైన సహకారం అందిస్తున్నారు. లౌక్య ఎంటర్టైన్మెంట్స్ బ్యానర్‌పై ఈ చిత్రం నిర్మాణం జరుగుతోంది.
గ్రామ రాజకీయాల్లో తనకంటూ ఒక స్థానం కలిగిన వ్యక్తిగా నవదీప్ కనిపించడం టీజర్ మొదటి నిమిషంలోనే ఆసక్తిని రగిలిస్తుంది. అతని ఎక్స్‌ప్రెషన్స్‌ చూస్తేనే గ్రామం మొత్తాన్ని తన మాట వినేలా, తన వైపుకు మార్చకొగలిగే నాయకుడి ప్రభావం స్పష్టంగా అర్థమవుతుంది. అదే సమయంలో శివాజీ తన పాత్రలో కనిపించగ, అతను పలికే ఒక్క మాటతోనే సినిమా ఏ దిశకి వెళ్లబోతోందో ప్రేక్షకుడికి అర్థమవుతుంది. అతని పాత్రలో ఉన్న నిజాయితీ, అలాగే అసంతృప్తి రెండూ కలిసి ఒక తీవ్రమైన భావాన్ని తీసుకొస్తాయి.
నందు పాత్ర మాత్రం పూర్తిగా సామాన్య మనిషి మనసులో నడిచే యుద్ధంలా ఉంటుంది. ఒకవైపు కుటుంబ బాధ్యతలు, మరోవైపు అతని వ్యక్తిగత కోరికలు ఈ రెండిటి మధ్య అతను తీసుకునే నిర్ణయాలు, వాటివల్ల కుటుంబంలో కలిగే ఒత్తిడి అన్ని బలంగా కనిపిస్తున్నాయి. గ్రామం లోని ప్రతి కుటుంబంలో కనిపించే చిన్న చిన్న సమస్యలు, అర్థాలు, అపార్థాలు అన్ని ఆ పాత్ర లో నందు జీవించేసాడు.
వీరుపాక్ష సినిమాతో నటనలో తనకంట్టు గుర్తింపు తెచుకున్న రవి, ఇ సినిమాలో ప్రేమ మీద నడిచే కథను రవి పాత్ర తీసుకొస్తుంది. గ్రామంలో ప్రేమ అనేది కేవలం ఇద్దరు మనుషుల విషయం మాత్రమే కాకుండా, రెండు కుటుంబాలు, కొన్నిసార్లు రెండు కులాలు కూడా ఒకదానితో ఒకటి తగులుకునే పరిస్థితి తీసుకొస్తుంది.
అయితే ఈ మొత్తం కథను ఒక్కసారిగా మార్చే పాత్ర బిండు మాధవిదే. ఆమె పాత్ర టీజర్‌లో కనిపించే కొన్ని సెకన్లలోనే ఎంతో గొప్పగా నిలిచిపోయింది. సమాజం ఎల్లప్పుడూ తప్పుగా అర్థం చేసుకునే ఒక మహిళ జీవితం ఎలా ఉంటుందో, ఆమెను ఎలా చూసుకుంటారో ఆ బాధ, ఆ ధైర్యం రెండూ ఆమె ఒక్క చూపులోనే కనిపిస్తాయి. టీజర్ చూస్తే, సినిమాలో అత్యంత భావోద్వేగాన్ని ఆమె పాత్రనే తీసుకెళ్తుందని అనిపిస్తుంది.
టీజర్‌లో కథను పూర్తిగా బయటపెట్టలేదు. కానీ చూపించిన ప్రతి షాట్ చూసినప్పుడు, సినిమా ఒక తీవ్రమైన సామాజిక సమస్యపై దృష్టి సారించిందని స్పష్టంగా అర్థమవుతుంది. ప్రేమ పేరుతో జరిగే అన్యాయాలు, కుల వివక్ష, ‘గౌరవం’ అనే మాట వెనుక దాగి ఉన్న హింస, గ్రామాల్లో అమ్మాయిలు ప్రతీరోజూ ఎదుర్కొనే రిస్కులు—ఇవి అన్నీ టీజర్‌లో స్వల్పంగా కానీ బలంగా సూచించబడ్డాయి. గ్రామ జీవనంలో బయటకు కనిపించని నిజాలు, దాచిపెట్టిన చీకట్లు, చెప్పడానికి భయపడే వాస్తవాలు… ఇవన్నీ ఈ సినిమా బహిర్గతం చేయబోతున్నట్లు టీజర్ సంకేతాలు ఇస్తోంది..
సినిమా డిసెంబర్ 25, 2025 విడుదలకు సిద్ధమైంది. క్రిస్మస్ రోజున ఒక తీవ్రమైన సామాజిక డ్రామాను ప్రేక్షకులు థియేటర్లలో చూడబోతున్నారు.