ఐ బొమ్మ ఇక లేనట్టేనా? ఐ బొమ్మ నిర్వాహకుడు అరెస్ట్…

కొత్తగా వచ్చిన సినిమాలు, OTT కంటెంట్లను నిమిషాల్లో పైరసీ చేసి తన ఐ బొమ్మ వెబ్సైట్ లో అప్లోడ్ చేస్తున్న ఐ బొమ్మ నిర్వాహకుడు ఇమ్మడి రవి ని పోలీసులు అరెస్టు చేశారు.

హైదరాబాద్ కూకట్పల్లి లో ఓ ప్లాట్ లో ఉన్నాడని తెలుసుకొని పోలీసులు పక్కా సమాచారంతో రవి ని అరెస్ట్ చేశారు. తర్వాత అతన్ని నాంపల్లి కోర్టుకు తీసుకెళ్లడం జరిగింది.

గతంలో తనను గుర్తించాలని చూస్తే తన దగ్గర ఉన్న యూజర్ల డేటాని  బయట పెడతాను, అని పోలీసులకు వార్నింగ్ ఇచ్చిన ఐ బొమ్మ నిర్వాహకుడు. ఇప్పుడు పోలీసులు అతన్ని గుర్తించి పక్క సమాచారంతో అరెస్ట్ చేయడం జరిగింది.

కొంత కాలంగా కరీబియన్ దీవుల్లో ఉంటూ ఐ బొమ్మ, బప్పం వెబ్సైట్లను నిర్వహిస్తున్నట్టు విచారణలో తెలిసింది.

అతని అకౌంట్లో ఉన్న దాదాపు 3 కోట్ల రూపాయలు సీజ్ చేశారు. అలాగే ఐ బొమ్మ, బప్పం వెబ్సైట్లను బ్లాక్ చేశారు. రవికి కోర్టు 14 రోజులు రిమాండ్ విధించింది. తర్వాత అతడిని చంచల్ గూడా జైలుకి తరలించారు. పోలీసులు అతనితో పాటు ఇంకా ఎవరు పనిచేస్తున్నారో గుర్తించి వారిని కూడా అరెస్ట్ చేసే పనిలో ఉన్నారు.